მე-9 მოწვევის პარლამენტის პირველ სხდომამდე ცოტა დრო რჩება. პარლამენტის ახალი სახეები საკანონმდებლო ორგანოში უკვე მივიდნენ.

მათი თქმით, ყველაფერს გააკეთებენ, რათა მე-9 მოწვევის პარლამენტმა მაქსიმალურად ეფექტურად იმუშაოს.

„დღეს მნიშვნელოვანი დღეა, მნიშვნელოვანი, ეტაპი იწყება.  მინდა,  ჩემს თავს და ყველა ჩემს თანაგუნდელს, კოლეგას, ვინც ამ შენოაბში იმუშავებს, წარმატება ვუსურვო“,-აღნიშნა ლევან კობიაშვილმა.

მე-9 მოწვევის პარლამენტის პირველ სხდომას საქართველოს პრეზიდენტი  გიორგი მარგველაშვილი გახსნის. რეგლამენტის მიხედვით, მარგველაშვილის სიტყვით გამოსვლის შემდეგ, სხდომას „ქართული ოცნების“ სიით არჩეული, უხუცესი წევრი რევაზ არველაძე გაუძღვება. მე-9 მოწვევის პარლამენტის თავმჯდომარეს საკანონმდებლო ორგანო დღეს თავისი უფლებამოსილების ვადით, ფარული კენჭისყრით აირჩევს. პარლამენტის თავმჯდომარის კანდიდატურის წარდგენის უფლება უმრავლესობას, უმცირესობას, ფრაქციას, რომელიც არ არის გაერთიანებული უმრავლესობაში ან უმცირესობაში აქვს. პარლამენტის თავმჯდომარის კანდიდატურა მხოლოდ მმართველმა გუნდმა წარადგინა.ის პარტიის აღმასრულებელი მდივანი, ირაკლი კობახიძეა. მე-9 მოწვევის პარლამენტი სავარაუდოდ, უმრავლესობა-უმცირესობას დააკომპლექტებს. ახალ პარლამენტში უმრავლესობა „ქართულ ოცნებას“ ჰყავს, ხოლო უმცირესობა „ერთიან ნაციონალურ მოძრაობას“. რაც შეეხება „საქართველოს პატრიოტთა ალიანსს“ ისინი პარლამენტში სავარაუდოდ ფრაქციას შექმნიან. ახლადრჩეული პარლამენტის უფლებამოსილების ცნობისთანავე, მთავრობას უფლებამოსილება შეუწყდება. პრეზიდენტი გიორგი მარგველაშვილი ძველ მთავრობას, ახლის არჩევამდე, დროებით მოვალეობის შესრულებას დააკისრებს. ამის შემდეგ პარლამენტში ახალი მთავრობის ფორმირებასთან დაკავშირებული შესაბამისი პროცედურები დაიწყება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა