აშშ-ში ამომრჩეველთა ხმების დათვლის შემდეგ ჰილარი კლინტონი ახლადარჩეულ პრეზიდენ დონალდ ტრამპს 1 მილიონი ხმით უსწრებს, - ამის შესახებ ინფორმაციას გამოცემა Politico ავრცელებს.

როგორც გამოცემა წერს, წინასწარი მონაცემებით, კლინტონს მხარი 61,963,234 ამომრჩეველმა დაუჭირა, ხოლო დონალდ ტრამპს 60,961,185 ხმა აქვს დაგროვილი.

Associated Press-ის ცნობით, კალიფორნიაში, იუტაში და ვაშინგტონში ხმების დათვლის პროცესი ჯერ არ დასრულებულა.

მედიის ინფორმაციით, მონტგომერის ოლქში და მერილანდში კლინტონმა 20 000-ზე ათასზე მეტი ხმა დააგროვა, მაშინ როდესაც დონალდ ტრამპმა დაახლოებით 3 ათასი.

ტრამპის განცხადებით, თუ საარჩევნო სისტემა იქნებოდა მხოლოდ ხალხის ხმაზე ორიენტირებული, ის მაინც მოიგებდა არჩევნებს, განსაკუთრებით ნიუ-იორკში, ფლორიდაში და კალიფორნიაში.

შეგახსენებთ, რომ ტრამპმა ამომრჩეველთა კოლეგიის წარმომადგენელთა 290 ხმა მიიღო, ხოლო ჰილარი კლინტონმა კი 232. საპრეზიდენტო არჩევნებზე გამარჯვებისთვის საკმარისი იყო ამომრჩეველთა კოლეგიის წარმომადგენელთა 270 ხმის მიღება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გერმანიაში, სამხედრო აეროდრომის მახლობლად, უცნობი დრონის ნამსხვრევები იპოვეს

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას