„შიდა კონსულტაციები იყო, თუმცა ვფიქრობ, რომ ცალსახად უნდა დავიცვათ ეტიკეტი და პირველი სიტყვა დავუთმოთ პრემიერ-მინისტრს“, - ასე უპასუხა შრომის, ჯანმრთელობისა და სოციალური დაცვის მინისტრმა დავით სერგეენკომ კითხვას - იქნება თუ არა მინისტრთა კაბინეტის ახალ შემადგენლობაში.

როგორც სერგეენკომ აღნიშნა, თანამდებობების გადანაწილებაზე სავარაუდოდ, პოლიტსაბჭოს ფორმატში კონსულტაციები მიმდინარეობს, თუმცა თავად ამ პროცესში ჩართული არ არის.

 „მე ვფიქრობ, რომ კონსულტაციები მიდის, თუმცა მე პირადად ამ კონსულტაციებში არ ვმონაწილეობ, რადგან მე არ ვარ პოლიტსაბჭოს წევრი. რაც შეეხება იმას, თუ ვინ იქნება მომავალი მინისტრთა კაბინეტის, ან საპარლამენტო თანამდებობების წევრები, საზოგადოების ინტერესი აბსოლუტურად ლეგიტიმურია, სწორია არ მხრივ, უბრალოდ ყველაფერს თავისი თანამიმდევრობა აქვს და პირველი სიტყვა ამაზე უნდა მივცეთ პრემიერ-მინისტრს“, - აღნიშნა სერგეენკომ.

რაც შეეხება „ქართული ოცნების“ ცენტრალურ ოფისში გამართულ შეხვედრას, მინისტრის თქმით, შეხვედარზე მხოლოდ საორგანიზაციო საკითხებზე იმსჯელეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა