საქართველოს იუსტიციის სამინისტროს ეროვნული არქივის გენერალური დირექტორი თეონა იაშვილი და სამეცნიერო განყოფილების უფროსი ქეთევან ასათიანი  სტამბოლში მიმდინარე საერთაშორისო ღონისძიებაში „პირველი მსოფლიო ომის დოკუმენტები; გლობალური ომიდან გლობალურ მშვიდობამდე“ მონაწილეობენ. სამდღიანი ღონისძიება 19 მარტს თურქეთის რესპუბლიკის პრეზიდენტმა რეჯეფ ტაიფ ერდოღანმა გახსნა.

ღონისძიება მოიცავს პრეზენტაციებსა და გამოფენას სხვადასხვა ქვეყნის არქივებსა და სამუზეუმო დაწესებულებებში დაცული პირველი მსოფლიო ომის ამსახველი მასალების შესახებ. მათ შორისაა საქართველოს ეროვნული არქივის დოკუმენტებიც.

თეონა იაშვილი ღონისძიების მსვლელობისას შეხვდა არქივების საერთაშორისო საბჭოს დირექტორს, ავსტრალიის ეროვნული არქივის ხელმძღვანელს დევიდ ფრიკერს, ასევე, თურქეთის, ბულგარეთის, რუმინეთის, პოლონეთისა და სხვა ქვეყნების არქივების ხელმძღვანელებს და მათთან თანამშრომლობის სამომავლო გეგმებზე ისაუბრა.

ღონისძიების პირველივე დღეს პრეზენტაციით წარსდგა ქეთევან ასათიანი, რომლის მოხსენების თემა იყო:  „პირველი მსოფლიო ომი საქართველოს ეროვნული არქივის დოკუმენტებში“. მან ისაუბრა 1914-1918 წლების ომის ამსახველ  მრავალფეროვან და უნიკალურ დოკუმენტებზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა