აშშ-ის საპრეზიდენტო არჩევნებამდე 5 დღით ადრე, ჰილარი კლინტონისა და დონალდ ტრამპის რეიტინგებს შორის სხვაობა მინიმალურია, - ამის შესახებ ინფორმაციას BBC ავრცელებს.

მედია საშუალების ცნობით, გამოკითხვის თანახმად, რომელიც გამოცემა The New York Times-მა და და ტელეკომპანია CBS-მა ჩაატარეს, დემოკრატი კანდიდატი რესპუბლიკელს 3 %-ით უსწრებს. კერძოდ, ჰილარი კლინტონს მხარდაჭერა გამოკითხულთა 45%-მა გამოუცხადა, დონალდ ტრამპს კი 42 %-მა.

გარდა ამისა, სააგენტო Real Clear Politics-ის მიერ ჩატარებული კვლევების თანახმად, ჰილარი კლინტონი თავს რესპუბლიკელ მეტოქეს მხოლოდ 1,7 %-ით უსწრებს.

ყოფილი სახელმწიფო მდივნის უფრო დიდ უპირატესობას სააგენტო Reuters-ისა და სოციოლოგიური სააგენტო Ipsos-ის ერთობლივი გამოკითხვა აჩვენებს, რომლის შედეგების თანახმად დემოკრატ კანდიდატს ამომრჩევლების 6%-ით მეტი უჭერს მხარს, ვიდრე რესპუბლიკელს.

ცნობისთვის, აშშ-ის 22 მილიონმა მოქალაქემ უკვე მიიღო მონაწილეობა ხმის მიცემის წინასწარ პროცედურაში.

შეგახსენებთ, რომ აშშ-ის საპრეზიდენტო არჩევნები 8 ნოემბერს გაიმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გერმანიაში, სამხედრო აეროდრომის მახლობლად, უცნობი დრონის ნამსხვრევები იპოვეს

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას