ფინანსთა მინისტრ ნოდარ ხადურის განცხადებით, უახლოეს მომავალში ლარის კურსის დასტაბილურებას ელოდება.

როგორც მან ჟურნალისტებს განუცხადა,  მაკროეკონომიკური პარამეტრები გაუმჯობესებულია.

„დარწმუნებით მინდა ვთქვა, რომ  მაკროეკონომიკური  პარამეტრები გაუმჯობესებულია.მათ შორის გაუმჯობესებულია ჩამორიცხვები, რომელიც მანამდე შემცირებული იყო. იმპორტს აქვს შემცირების ტენდენცია, რაც ასევე მნიშვნელოვანია. მთავრობის ანგარიშებზე იქნება დადებითი ცვლილებები დოლარის თვალსაზრისით. დეკემბერში, ნოემბრის ბოლოს  ჩამოირიცხება აზიის განვითარების ბანკიდან თანხები. ასე რომ, ვფიქრობ, ეს დროებითია და უახლოეს მომავალში უნდა ველოდოთ კურსის გამყარებას და აუცილებლად გამყარდება კურსი. სამწუხაროდ, ჩვენი ოპონენტები ყველანაირად ცდილობენ, რომ შექმნან ცუდი მოლოდინები, თუმცა მინდა გითრათ,  რომ  ცუდი მოლოდინების არანაირი საფუძველი არ არსებობს მაკროეკონომიკურად და ეს ყველაფერი არაერთხელ გაჟღერებულა როგორც ეროვნული ბანკის, ისე ჩვენი მხრიდან. ამიტომ, მინდა კიდევ ერთხელ მოვუწოდო მოსახლეობას, რომ არ იზარალონ.ლარის მიმართ ნდობა უნდა გაიზარდოს. ლარი უნდა იყოს ძირითადი  ვალუტა, მათ შორის იმ მიმართულებით, რომელშიც დღეს ასე არ არის“,-აღნიშნა ნოდარ ხადურმა.

კითხვაზე- დამაიმედებელი განცხადებების მიუხედავად, ლარის კურსი კვლავ უფასურდება და რითაა ეს გამოწვეული, ხადურმა ასე უპასხუა:

„ჩვენი ბაზრის კონიუქტურა საკმაოდ საინტერესოა. ის ერთჯერადი ტრანზაქციები, რომლებიც  ხორციელდება ხოლმე სამწუხაროდ ახდენს ზეგავლენას და შემდეგ ამას აქვს გამოძახილი. ესაა და ეს“,-განაცხადა ფინანსთა მინისტრმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა ლიეტუვას მოსთხოვა, ევროკავშირის სანქციების გვერდის ავლის მიზნით, ბელარუსული კალიუმის ექსპორტისთვის პორტი გაეხსნა

სოციალური სამართლიანობის ცენტრი - საარსებო შემწეობის მიმღებთა რაოდენობის მკვეთრი კლება არაერთ კითხვას აჩენს

კობახიძე აზარტული თამაშების საერთაშორისო ტურნირთან დაკავშირებულ კანონზე - ეს არ არის განსაკუთრებული მნიშვნელობის მქონე კანონპროექტი

რუსეთის მიერ ოკუპირებული ოლეშკადან ხალხის ევაკუაცია დაიწყო