საქართველოს იუსტიციის სამინისტროს ეროვნული არქივის გენერალური დირექტორი თეონა იაშვილი და სამეცნიერო განყოფილების უფროსი ქეთევან ასათიანი მონაწილეობას მიიღებენ თურქეთის სახელმწიფო არქივის გენერალურ დირექტორატთან არსებული სტამბოლის ოსმალური არქივის მიერ ორგანიზებულ საერთაშორისო ღონისძიებაში „პირველი მსოფლიო ომის დოკუმენტები; გლობალური ომიდან გლობალურ მშვიდობამდე“.

როგორც „ექსპრესნიუსს“ ეროვნული არქივიდან აცნობეს, ღონისძიების ფარგლებში, 19-21 მარტს გაიმართება საერთაშორისო პრეზენტაცია და გამოფენა, სადაც, სხვა ქვეყნების საარქივო მასალასთან ერთად, წარმოდგენილი იქნება საქართველოს ეროვნულ არქივში დაცული, პირველ მსოფლიო ომთან დაკავშირებული ფოტოებისა და რუკების ასლები. მათ შორის: პირველი მსოფლიო ომის მონაწილეების, თურქეთის ფრონტიდან ნადავლის ევაკუაციის, ბაქოს პოლკის მობილიზაციის, რუსების მიერ დაკავებული თურქული სანგრების, ყარსის სამხედრო ტაძართან რუსული ჯარის ნაწილების, ჰასან-ყალეს ადგილობრივი მცხოვრებლების ამსახველი ფოტოები; ასევე, დასავლეთის (რუსეთის) ომის თეატრის საგანგებო რუკა; ევროპის 1914-15 წლებში მიმდინარე ომის რუკა და სხვა.

ქეთევან ასათიანი 19 მარტს ღონისძიებაზე წარსდგება პრეზენტაციით: „პირველი მსოფლიო ომი საქართველოს ეროვნული არქივის დოკუმენტებში“.

ღონისძიების ფარგლებში დაგეგმილია საქართველოს ეროვნული არქივის გენერალური დირექტორის შეხვედრები პოლონეთის, ფინეთის, თურქეთის, ბელგიისა და სხვა ქვეყნების არქივების ხელმძღვანელებთან.

ღონისძიებაში მონაწილეობს არქივების საერთაშორისო საბჭო (ICA) და მსოფლიოს 30-მდე ქვეყნის არქივები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა