ტაილანდის მეფე ბჰუმიბოლ ადულიადეი 88 წლის ასაკში გარდაიცვალა, - ამის შესახებ ინფორმაციას BBC ავრცელებს.

მედია საშუალების ინფორმაციით, ბოლო წლებში მონარქი საჯაროდ იშვიათად ჩნდებოდა ჯანმრთელობასთან დაკავშირებული პრობლემების გამო. 2014 წელს მას ნაღვლის ბუშტი ამოაჭრეს, მიმდინარე წლის ზაფხულში კი გულზე ოპერაცია ჩაუტარდა.

ბჰუმიბოლ ადულიადეი, ასევე ცნობილი როგორც რამა IX, სამეფო ტახტს 1946 წლის 9 ივნისიდან იკავებდა.

როგორც BBC წერს, ადულიადეი ტაილანდის ისტორიაში, ყველაზე დიდი ხნის განმავლობაში მეფობდა. მისი მმართველობა 70 წლის განმავლობაში გაგრძელდა.

იმის მიუხედავად, რომ მეფე ტაილანდში პრაქტიკულად არ ფლობს ძალაუფლებას, ის ქვეყანაში ერთ-ერთ ყველაზე საპატიო ფიგურად მიიჩნევა. მონარქისა ან მისი გარემოცვის შეურაცხყოფისათვის ტაილანდის კანონმდებლობით სისხლის სამართლის პასუხისმგებლობაა გათვალისწინებული.

მაგალითად, გასული წლის ზაფხულში ტაილანდის ერთ-ერთ მცხოვრებს მეფის Facebook-ში შეურაცხყოფისთვის 30 წლით თავისუფლების აღკვეთა მიუსაჯეს.

ქვეყნის პრემიერ-მინისტრის განცხადებით, ტაილანდის ახალი მონარქი, პრინც მაჰა ვაჯირალონგკორნი იქნება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო

პაპი ლეონ XIV-ე- სამწუხაროდ, ჟურნალისტების უფლება ხშირად ირღვევა, ზოგჯერ აშკარა გზებით, ზოგჯერ უფრო ფარული ფორმით