საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრსა“ და „ბაზისბანკს“ შორის ურთიერთთანამშრომლობის მემორანდუმი გაფორმდა.

ამის შესახებ „ექსპრესნიუსს“ დანაშაულის პრევენციის ცენტრიდან აცნობეს.

ხელმოწერის ცერემონია იუსტიციის სამინისტროში გაიმართა. დოკუმენტს ხელი სსიპ „დანაშაულის პრევენციის ცენტრის“ დირექტორმა ჯონი კვინიკაძემ და „ბაზისბანკის“ გენერალურმა დირექტორმა დავით ცაავამ მოაწერეს.

როგორც დანაშაულის პრევენციის ცენტრის დირექტორმა განაცხადა, „ბაზისბანკის“ ფინანსური დახმარებით ცენტრმა უკვე განახორციელა რამდენიმე მნიშვნელოვანი ღონისძიება. მათ შორის იყო სკოლის  მოსწავლეებისთვისთვის ოლიმპიადა „არასრულწლოვანთა დანაშაულის პრევენცია“, ასევე „პროგრამა „ორი თაობა“.

„მემორანდუმის ფარგლებში, წლის განმავლობაში ჩვენ ერთობლივად ვგეგმავთ კიდევ უფრო საინტერესო და მნიშვნელოვან პროგრამებს. ვთანამშრომლობთ არასრულწლოვნებში დანაშაულის პრევენციაზე მიმართული ერთობლივი პროგრამების განსახორციელებლად. მემორანდუმის მიზანია ახალ თაობაში სამოქალაქო-იურიდიული ცნობიერების ამაღლება, მოხალისეობრივი საქმიანობის წახალისება, კულტურული, სპორტული და სოციალური აქტივობების (მათ შორის კონკურსების) ჩატარება და გამარჯვებული ბენეფიციარებისთვის ფასიანი საჩუქრების გადაცემა. „ბაზისბანკი“ ექვს წელზე მეტია განაგრძობს განათლებაზე და ზოგადად, უკეთესი მომავალი თაობის ჩამოყალიბებაზე ორიენტირებული პროექტების მხარდაჭერას, რაც ჩვენი თანამშრომლობისთვის ძალიან მნიშვნელოვანია“, - განაცხადა ჯონი კვინიკაძემ.

ხელმოწერის ცერემონიას იუსტიციის მინისტრის მოადგილე მიხეილ სარჯველაძეც დაესწრო.

ცნობისთვის, იუსტიციის სამინისტროს დანაშაულის პრევენციის ცენტრის ერთ-ერთი მიმართულებაა ახალგაზრდებში სამოქალაქო და იურიდიული ცნობიერების ამაღლება, მოხალისეობრივი საქმიანობის წახალისება, შემოქმედებითი ინიციატივების განვითარება, დამოუკიდებელი აზროვნების ხელშეწყობა და დანაშაულის პრევენცია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა