თბილისის საქალაქო სასამართლოს ყოფილი თავმჯდომარის მამუკა ახვლედიანის განცხადებით,  საუბრის ჩაწერის გამო, ნიკა გვარამიას მისთვის  ბოდიში  ჯერ არც საჯაროდ და არც პირადად  არ მოუხდია. 

როგორც ახვლედიანმა „ექსპრესნიუსს“ განუცხადა, ფარული ჩანაწერის გავრცელების შემდეგ, ნიკა გვარამიასთან კომუნიკაცია არ ჰქონია:

 „ეს მისი გადასაწყვეტია.არავის  ჩემთვის არანაირი ბოდიში არ მოუხდია, არც საჯაროდ და არც პირადში. არანაირი კომუნიკაცია არ მქონია. ტელეფონის ნომერიც არვიცი, სავარაუდოდ, მანაც არ იცის ჩემი ნომერი“,-აღნიშნა მამუკა ახვლედიანმა.

შეგახსენებთ, "მამუკა ახვლედიანი - ნიკა გვარამია"- ამ სათაურით გამოქვეყნდა  თბილისის საქალაქო სასამართლოს ყოფილი თავმჯდომარისა და „რუსთავი 2“-ის გენერალური დირექტორის ნიკა გვარამიას   საუბრის  ფარული  ჩანაწერი.

 ჩანაწერი YouTube-ის გვერდზე - Creative Georgia News-ზე დაიდო.

მოგვიანებით,  ნიკა გვარამიამ განაცხადა, რომ ჩანაწერი თავად  გააკეთა და ის მის პირად კომპიუტერში ინახებოდა.

მამუკა ახვლედიანმა კი აღნიშნა,  რომ  არ იცოდა, თუ მისი საუბრის ფარული ჩანაწერი ნიკა გვარამიამ გააკეთა.

მისივე განმარტებით,  ჩანაწერში განსაკუთრებული არაფერი უთქვამს, რასაც საჯაროდ არ ამბობს,  თუმცა ფიქრობს,  რომ  ნიკა გვარამიას ფარულად ჩაწერის გამო,  მისთვის ბოდიში მაინც უნდა მოეხადა.

შინაგან საქმეთა სამინისტრომ „რუსთავი 2“-ის გენერალური დირექტორის მიერ გავრცელებული ინფორმაციის საფუძველზე გამოძიება დაიწყო.

გამოძიება კომპიუტერულ სისტემაში უნებართვო შეღწევისა და პირადი მიმოწერის საიდუმლოების დარღვევის ფაქტზე მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა