მოძრაობა “თალიბანის” მებრძოლებმა, ავღანეთის ჩრდილოეთ ნაწილში ქუნდუზის პროვინციაზე შეტევა დაიწყეს და ქალაქში შეიჭრნენ, - ამის შესახებ ინფორმაციას სააგენტო Reuters ავრცელებს.

სამართალდამცველების განცხადებით, შეტევა ადგილობრივი დროით დაახლოებით შუაღამით დაიწყო. შეტაკებები ქალაქში ამ დრომდე გრძელდება.

როგორც “თალიბანის” წარმომადგენელი სოციალურ ქსელ Twitter-ში წერს, მოძრაობამ ქუნდუზში მასშტაბური ოპერაცია დაიწყო. ისლამისტების განცხადებით, შეტევა ქალაქზე ოთხი მხრიდან მიმდინარეობს.

მედია საშუალების ინფორმაციით, მებრძოლებმა დაიკავეს ქუნდუზის მახლობლად მდებარე დასახლება ნავაბადი, სადაც რამდენიმე სამხედრო მოკლეს და კონტროლი დაამყარეს ოთხ გამშვებ პუნქტზე.

როგორც სააგენტო Reueters-ი წერს, ქალაქ ქუნდუზის თავზე ვერტმფენები დაფრინავენ, ქალაქში კი კალაშნიკოვის ავტომატებით, ტყვიამფრქვვებითა და ნაღმტყორცნებით შეიარაღებული მებრძოლები იმყოფებიან.

სააგენტო France Press-ის ცნობით, ქალაქში დახურულია ყველა მაღაზია, ქუჩებში ადგილობრივები არ ჩანან.

ცნობისთვის, “თალიბანმა” ქალაქი ქუნდუზი გასულ წელს დაიკავა, თუმცა სამთავრობო ძალებმა მებრძოლები ორ დღეში განდევნეს.

ბრიუსელში 4 ოქტომბერს ავღანეთის საკითხისადმი მიძღვნილი კონფერენცია იხსნება, რომელზეც დასავლურმა ქვეყნებმა ქაბულის დახმარების პროგრამა უნდა დაამტკიცონ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გერმანიაში, სამხედრო აეროდრომის მახლობლად, უცნობი დრონის ნამსხვრევები იპოვეს

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას