საქართველოს თავდაცვის მინისტრმა მინდია ჯანელიძემ სახელმწიფო დაცვის სასწავლო ცენტრის ბაზაზე გამწვანების აქციაში - „დაგეგმე მომავალი“ მიიღო მონაწილეობა. 

თავდაცვის სამინისტროს ინფორმაციით, სასწავლო ცენტრის ბაზაზე ნერგები ქალაქ თბილისის მერმა დავით ნარმანიამ, საქართველოს სპორტისა და ახალგაზრდობის საქმეთა მინისტრმა ლევან ყიფიანმა, სახელმწიფო უსაფრთხოებისა და კრიზისების მართვის საბჭოს მდივანმა დავით სუჯაშვილმა და სხვა სტუმრებმაც დარგეს. 

უწყების ცნობით, ნერგების დარგვის პროცესში ჩაერთვნენ მზრუნველობამოკლებულ ბავშვთა სახლების აღსაზრდელებიც, რომლებმაც სიმბოლურად თითო ხე დარგეს. ღონისძიებაში სახელმწიფო დაცვის სპეციალური სამსახურის თანამშრომლებმა ბავშვებისთვის საჩვენებელი გამოსვლებიც მოაწყვეს.

გამწვანების აქციის დასასრულს, ოფიციალური პირები ბავშვებს ტკბილეულით გაუმასპინძლდნენ და სამახსოვრო საჩუქრები გადასცეს. 

სამინისტროში აცხადებენ, რომ სახელმწიფო დაცვის სპეციალური სამსახურის ინიციატივით გამართული აქციის ფარგლებში, სასწავლო ცენტრის ბაზაზე 3500-მდე სხვადასხვა ჯიშის ნერგი დაირგო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა