თავდაცვის ყოფილ მინისტრს დავით კეზერაშვილს  7 ნოემბრისა და „იმედში“ შეჭრის საქმესთან დაკავშირებით ბრალი დაუმძიმდა.

როგორც კეზერაშვილის ადვოკატმა ბექა ბასილაიამ ჟურნალისტებთან საუბრისას განაცხადა, დავით კეზერაშვილს უკანონო თანხების ლეგალიზაცია დაემატა ბრალად და ამით ბრალდება დაუმძიმდა.

“ბრალდებას რაც შეეხება, ჩვენ ხელთ გვაქვს  დავით კეზერაშვილის  ბრალდების შესახებ დადგენილება.   აქ არავითარი ახალი მტკიცებულება არ არის, არავითარი ახალი მასალა არ არის.  8 თვის წინ  წარდგენილი ბრალდება  გადააფასეს და თუ  ადრე უფლებამოსილების  გადამეტებას ედავებოდნენ, ახლა უკანონო შემოსავლის  ლეგალიზაციის ბრალდებაც დაუმატეს. ეს ყველაფერი ემსახურება ერთადერთდ პოლიტიკურ მიზანს, ეს არ არის უკვე სამართლებრივი პროცესი, გასცდა სამართლებრივ პროცესს,  ეს არის წმინდა წყლის პოლიტიკური  პროცესი“,-განაცხადა ბექა ბასილაიამ.

ამასთან,  კეზერაშვილის ადვოკატის ინფორმაციით, დილის 10:00 საათზე  გიგი უგულავას ბრალდებას დაუმძიმებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა

უკრაინელი და ქართველი ადამიანის უფლებათა დამცველი ალექსანდრა დელემენჩუკი გარდაიცვალა