თბილისის მერმა დავით ნარმანიამ კომპანია „თბილსერვის ჯგუფში“ ნაგვის ახალი კონტეინერები დაათვალიერა და კომპანიის გეგმებს ადგილზე გაეცნო. სამომავლო გეგმების პრეზენტაციას თბილისის მერის მოადგილე გიორგი სოლომონია და საკრებულოს წევრები ესწრებოდნენ.

დედაქალაქის მერიის ინფორმაციით, „თბილსერვის ჯგუფმა“ პირველ ეტაპზე 1000 ცალი ახალი კონტეინერი უკვე შეისყიდა და მის განთავსებას თბილისის უბნებში ხვალიდან დაიწყებს. ლითონის 1100 ლიტრიანი 500 ცალი ნაგავშემკრები კონტეინერი და პლასტმასის 240 ლიტრიანი 500 ცალი ნაგავშემკრები კონტეინერი ძირითადად წერეთლის, აღმაშენებლის, რუსთაველის, ჭავჭავაძის, ვაჟა ფშაველას გამზირებსა და კოსტავას ქუჩაზე განთავსდება.

მერიის ცნობით, უკვე დასრულდა ტენდერი ლითონის 1100 ლიტრიანი 2 000 ცალი ნაგავშემკრები კონტეინერის, პლასტმასის 240 ლიტრიანი 700 ცალი ნაგავშემკრები კონტეინერისა და პლასტმასის 120 ლიტრიანი 800 ცალი ნაგავშემკრები კონტეინერის შესყიდვაზე. აღნიშნულ კონტეინერებს ტენდერში გამარჯვებული კომპანია „თბილსერვისს“ უახლოეს პერიოდში მიაწვდის. იგეგმება, ასევე, 1000 ცალი 50 ლიტრიანი ახალი დიზაინის არაწვადი კონტეინერების შეძენაც.

თბილისის მერის თქმით,  წლის განმავლობაში ჯამში „თბილსერვისი“ დედაქალაქს 5500 სხვადასხვა მოცულობის ახალი კონტეინერით მოამარაგებს.

 მისივე თქმით,  დაწყებულია ხევების და მუნიციპალური სასაფლაოების გაწმენდა. როგორც თბილისის მერმა აღნიშნა, დედაქალაქის მერია  ყველაფერს გააკეთებს იმისათვის, რომ ქალაქი მაქსიმალურად მოწესრიგებული იყოს. 

„თბილსერვის ჯგუფის ეფექტიანობა მნიშვნელოვნად არის გაზრდილი. ჩვენ დამატებით ვმუშაობთ, რომ ახალი ტექნიკის შეყვანის შემთხვევაში, უბნები უფრო მეტად მოვიცვათ და ვითარება ამ თვალსაზრისით გაუმჯობესდება. მას შემდეგ რაც გამკაცრდა ჯარიმები, გარკვეული შედეგი გვაქვს, თუმცა უფრო მეტი სიმკაცრეა ამ თვალსაზრისით საჭირო. უკვე დასრულდა  ობიექტების პასპორტიზაცია, რომლის შედეგად  ძალიან ბევრი ისეთი ორგანიზაცია აღმოჩნდა, რომლებიც წლების განმავლობაში არ იხდიდნენ დასუფთავების მოსაკრებელს და რეალურად სარგებლობდნენ სერვისით. გარდა ამისა,  წელს პირველად, გლდანის ტერიტორიაზე  გაკეთდა   სამშენებლო ნაგავსაყრელი და  ქალაქში სამშენებლო ნარჩენები ქაოტურად აღარ დაიყრება“, - განაცხადა დავით ნარმანიამ.  

მერიის ინფორმაციით, 2015 წლის განმავლობაში „თბილსერვის ჯგუფი“ ასევე გეგმავს ნაგავმზიდი მანქანებისა და სხვა სპეციალური ტექნიკის განახლებას. თბილისის მთავრობის განკარგულებით, ნაგავმზიდი მანქანებისა და სხვა სპეციალური ტექნიკის  შესყიდვის მიზნით, შეიქმნა კომისია, რომელიც ბაზრის კვლევას განახორციელებს და ინტერესთა გამოხატვის დოკუმენტს შეიმუშავებს. გარდა ამისა, უკვე გამოცხადდა ტენდერი კომპანიის ტექნიკური თანამშრომლებისათვის სპეცტანსაცმლის შეძენაზეც. გაუმჯობესდება ტანსაცმლის ხარისხი და დიზაინი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა