2014 წელს ჰაკერებმა Yahoo-ს თითქმის 500 მილიონი მომხმარებლის პირადი მონაცემები მოიპოვეს

2016-09-23 12:08:41, 1062 ნახვა

სხვადასხვა

2014 წელს ჰაკერებმა კომპანია Yahoo-ს თითქმის 500 მილიონი მომხმარებლის პირადი მონაცემები მოიპოვეს, - ამის შესახებ BBC იუწყება.

მედია საშუალებსი იფნორმაციით, ეს არის კიბერუსაფრთხოების ისტორიაში ყველაზე მსხვილი კიბერთავდასხმა, რომლის შესახებაც ინფორმაცია გასაჯაროვდა.

კომპანია Yahoo-ს ცნობით, ჰაკერებმა მოიპოვეს 500 მილიონი ადამიანის სახელ-გვარები, დაბადების თარიღები, ტელეფონის ნომრები, პაროლები და ელექტრონული მიმოწერა.

როგორც კომპანიაში აცხადებენ, კიბერდამნაშავეები ერთ-ერთი სახელმწიფოს მხარდაჭერით მოქმედებდნენ.

აშშ-ის გამოძიებათა ფედერალური სამსახური აღნიშნულ ფაქტს იძიებს.

მედიის ცნობით, ამერიკულ დაზვერვაში ვარაუდობენ, რომ კიბერთავდასხმა ერთ-ერთი სახელმწიფოს დაკვეთით ან მხარდაჭერით განხორციელდა, რადგან მომხდარი ფაქტი იმ კიბერთავდასხმებს ჰგავს, რომელსაც რუსეთის სპეცსამსახურებთან დაკავშირებული ხაკერები ახორციელებენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან