საქართველოს ყოფილი პრემიერ-მინისტრის ბიძინა ივანიშვილის განცხადებით, ის რეგიონულ შეხვედრებს მოქალაქის როლში მართავს.

როგორც მან საცხე-ჯავახეთში ჟურნალისტის კითხვაზე საპასუხოდ განაცხადა, საინტერესო პიროვნებაა და მას ენდობიან:

"რაც შეეხება ჩემს როლს პოლიტიკაში და მედიასთან შეხვედრებს, პოლიტიკა არ იყო ჩემი მოწოდება და არ მქონდა სურვილი პოლიტიკაში მოსვლის, მაგრამ რომ ვნახე, რომ ქვეყანას გაუჭირდა, თავს უფლება ვერ მივეცი, არ გამეკეთებინა ის, რაც გავაკეთე. ჩემს თავზე მაღლა ავედი. ჩემი გულწრფელობით ვაჩვენე, რომ პოლიტიკა არ იყო ჩემი მოწოდება და თანამდებობისთვის არ მოვსულვარ, ვთქვი-მოვალ, დავალაგებ, წავალ. მოვედი, დავალაგე, წავედი. თანაც ზუსტად გავთვალე დრო. ასევე ვამბობ, რომ ბიზნესი არ მაქვს საქართველოში და ეს სიმართლეა. რატომ ვხვდები დღეს მედიას, რა როლში, ხომ მობრძანდით, ესეიგი საინტერესო პიროვნება ვარ, ყველა ვერ მოაგროვებდა ამდენ ჟურნალისტს. ასევე ხდება სხვა რეგიონში,  ესეიგი ინტერესი არის, ნდობა მაქვს. ვსაუბრობ მოქალაქის სტატუსით. ყველას შეუძლია ანალიზის გაკეთება. მე ვარ მოქალაქის როლში, გათავისუფლებული ვარ ყოველგვარი პირადი ინტერესისგან. ჩემი პირადი ინტერესი ემთხვევა ყველა მოქალაქის ინტერესს - იყოს ქვეყანა განვითარებული და თავისუფალი",-განაცხადა ბიძინა ივანიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა