საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრის“ ახალგაზრდული პროგრამის „ლიდერთა სახლის“ მონაწილეებს საქართველოს პარლამენტის ეროვნული ბიბლიოთეკის გენერალური დირექტორი, პოეტი და ესეისტი  გიორგი კეკელიძე ესტუმრა.

შეხვედრა პროექტის „პროფესიული არჩევანის“ ფარგლებში გაიმართა და მას 20  მოსწავლე დაესწრო. 

სტუმარი ახალგაზრდებს  საკუთარი პროფესიული არჩევანის, საყვარელი ლიტერატურისა და სამომავლო გეგმების შესახებ ესაუბრა. გიორგი კეკელიძემ „ლიდერთა სახლის“ მონაწილეებს უამბო, თუ რა სირთულეები ახლავს თან ადამიანის პროფესიულ არჩევანს და  რა არის საჭირო წარმატების მიღწევისთვის. მან საკუთარი პროფესიული არჩევანის შესახებ საუბრისას გაიხსენა ის სირთულეებიც, რომლებიც განათლების მიღებისა და მისი საქმიანობის პირველ ეტაპებს ახლდა თან.

შეხვედრის  მონაწილეები სტუმრის საყვარელი წიგნებით, ფილმებითა და რეჟისორებით დაინტერესდნენ.

როგორც სტუმარმა აღნიშნა, მისთვის ამ ეტაპზე  ყველაზე საოცნებო პროფესია რეჟისურაა.

შეხვედრა კითხვა-პასუხის რეჟიმში წარიმართა. როგორც ცნობილია, „ლიდერთა სახლი“ იუსტიციის სამინისტროს დანაშაულის პრევენციის ცენტრის ახალგაზრდული პროგრამაა. მისი მიზანია სამოქალაქო ცნობიერების ამაღლება, მოხალისეობრივი საქმიანობის წახალისება, შემოქმედებითი ინიციატივების განვითარება, დამოუკიდებელი აზროვნების ხელშეწყობა და დანაშაულის პრევენცია. „პროფესიული არჩევანი“ „ლიდერთა სახლის“ ერთ-ერთი წარმატებული პროექტია, რომელიც ყოველკვირეულად იმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა