აჭარის მთავრობის თავმჯდომარე ზურაბ პატარაძე გერმანიის საგანგებო და სრულუფლებიან ელჩს საქართველოში ჰაიკე რენატე ფაიჩის შეხვდა.

აჭარის მთავრობის პრესსამსახურის ინფორმაციით, შეხვედრას მთავრობის აპარატის საერთაშორისო ურთიერთობის დეპარტამენტის უფროსი ხათუნა ნაყეური ესწრებოდა.

მათივე ცნობით, გაცნობითი ხასიათის შეხვედრაზე მთავრობის თავმჯდომარემ სტუმარს რეგიონის განვითარების სტრატეგიული მიმართულებანი გააცნო.

საუბარი შეეხო სახელმწიფოთაშორის ურთიერთობების გაღრმავებას, მჭიდრო თანამშრომლობის მნიშვნელობას. მხარეებს შორის ყურადღება გამახვილდა ეკონომიკის განვითარების ძირითად მიმართულებებზე, განათლებისა და კულტურის საკითხებზე. ელჩმა მზაობა გამოთქვა გაცვლითი ფესტივალებისა და კულტურული ღონისძიებების ჩატარებისთვის.

აჭარა გერმანიის რამდენიმე რეგიონთან თანამშრომლობს და ჩვენს რეგიონში გერმანიის ფედერაციული რესპუბლიკის ტექნიკური დახმარების ფარგლებში ბევრი ინფრასტრუქტურული ღონისძიება ხორციელდება.

გერმანია საქართველოსთვის სტრატეგიული პარტნიორი და მეგობარი ქვეყანაა.

დოქტორი ჰაიკე რენატე ფაიჩი საქართველოში გერმანიის ელჩია 2016 წლიდან.

გერმანიის ელჩი ჩვენს რეგიონში რამდენიმე დღე დარჩება.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა