„მოვედი იმისთვის, რომ პოლიციელის მუნდირი დავიცვა, თავს დამნაშავედ არ ვგრძნობ“,-ამის შესახებ დემურ სტურუას თვითმკვლელობაში ბრალდებულმა  ყოფილმა პოლიციელმა გოდერძი თევზაძემ განაცხადა.

როგორც თევზაძემ აღნიშნა, ის მიმალვაში არ ყოფილა და სტურუასთან ჩვეულებრივი ურთიერთობა ჰქონდა.

„მოვედი აქ იმისთვის, რომ პოლიციელის მუნდირი დავიცვა. დღეიდან ვაცხადებ შიმშილობას და იმედი მაქვს, ობიექტური გამოძიების. თავს დამნაშავედ არ ვგრძნობ. არაფრის მეშინია, სრულიად უდანაშაულო ვარ“, -აღნიშნა თევზაძემ.

ცნობისთვის, დემურ სტურუას თვითმკვლელობამდე მიყვანაში ბრალდებული პოლიციელი გოდერძი თევზაძე პოლიციას გუშინ ჩაბარდა.

შეგახსენებთ, სოფელ დაფნარში 7 აგვისტოს 22 წლის დემურ სტურუამ სიცოცხლე თვითმკვლელობით დაასრულა. მან გარდაცვალებამდე წერილი დაწერა, სადაც გადაწყვეტილების მიზეზად, პოლიციის თანამშრომლის, გოდერძი თევზაძის მხრიდან ზეწოლას ასახელებდა. სტურუას თვითმკვლელობამდე მიყვანის ფაქტზე პროკურატურამ ბრალი პოლიციელ გოდერძი თევზაძეს წაუყენა, თუმცა ბრალდებული ამ დრომდე მიმალვაში იმყოფებოდა. აღკვეთის ღონისძიების სახით მას წინასწარი პატიმრობა აქვს შეფარდებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირმა დაგმო ირანში რეპრესიები და სიკვდილით დასჯა

ტრამპი ევროპას - ჩვენ მხოლოდ უნდა ვთქვათ: „იცით რა? ჩვენ აღარ ვვაჭრობთ თქვენთან

კონგრესმა მიიღო კანონპროექტი ჯოჯოხეთური სანქციები“ რუსეთის წინააღმდეგ „ და დოკუმენტი ხელმოსაწერად ტრამპს გაუგზავნა

უკრაინელების მოკლული გენერალ-მაიორი ანტონ გრუნისი, საქართველოს წინააღმდეგ 2008 წელს ომობდა