2017 წლის სექტემბერში თბილისი ფრებურთში ქალთა ევროპის ჩემპიონატის ფინალური ეტაპის ერთ-ერთ ჯგუფს უმასპინძლებს. ევროპის ჩემპიონატზე სულ 16 გუნდი მიიღებს მონაწილეობას, თბილისი B ჯგუფის მატჩებს უმასპინძლებს, სადაც საქართველოს ქალთა ნაკრები ითამაშებს. 

ევროპის ჩემპიონატის ფინალური ეტაპი აზარბაიჯანსა და საქართველოში ერთდროულად გაიმართება.

სპორტისა და ახალგაზრდობის საქმეთა მინისტრი ტარიელ ხეჩიკაშვილი, საქართველოს ფრენბურთის ფედერაციის პრეზიდენტ ირაკლი ჩაჩუასთან ერთად, ევროპის ფრენბურთის კონფედერაციის პირველ ვიცე-პრეზიდენტ რენატო არენას, ვიცე-პრეზიდენტ იოზგან მუთლუგილს და 2017 წლის ევროპის ჩემპიონატის საორგანიზაციო ჯგუფის წევრებს შეხვდა. შეხვედრას სპორტის მინისტრის მოდგილე შალვა გოგოლაძეც ესწრებოდა. 

სამინისტროში დაგეგმილ შეხვედრაზე საუბარი იყო ქალთა შორის 2017 წლის ევროპის ჩემპიონატის საორგანიზაციო საკითხებზე და იმ მოსამზადებელ სამუშაოებზე, რაც საქართველომ უნდა გასწიოს. ქალ ფრენბურთელთა ევროპის ჩემპიონატის ერთ-ერთ ჯგუფურ ეტაპს მომავალი წლის სექტემბერში თბილისის ახალი სპორტის სასახლე უმასპინძლებს. 

აღსანიშნავია, რომ ევროპის ჩემპიონატის მატჩების ტრანსლაცია მსოფლიოს 160 ქვეყანაში განხორციელდება, ჩემპიონატის ზუსტი თარიღები და მონაწილე ნაკრებების ვინაობა კი ოქტომბრის ბოლომდე გაირკვევა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა

უკრაინელი და ქართველი ადამიანის უფლებათა დამცველი ალექსანდრა დელემენჩუკი გარდაიცვალა