„ქართული ოცნების“ წევრი ირაკლი სესიაშვილი ქვეყანაში ბოლოდროინდელ  კრიმინალურ ფაქტებს ეხმაურება და აცხადებს, რომ კრიმინალთან ბრძოლა საზოგადოების ჩართულობის გარეშე შეუძლებელია.

როგორც სესიაშვილმა „ექსპრესნიუსს“ განუცხადა, აგვისტო-სექტემბერში კრიმინალური ფაქტები მატულობს, მაგრამ სტატისტიკითა და სხვადასხვა რეიტინგებით ჩანს, რომ საქართველო უსაფრთხო ქვეყანაა.

„ბოლო პერიოდში ძალიან სამწუხარო ფაქტები მოხდა და ეს ყველას გვაშფოთებს. თუმცა, ეს არ არის საკმარისი არგუმენტი იმისთვის, რომ ჩვენ ქვეყანაში კრიმინოგენური სიტუაციის დამძიმებაზე ვისაუბროთ. სამწუხაროდ, უმეტეს შემთხვევაში საქმე ყოფით საკითხებზე დაპირისპირებასთან გვაქვს. ეს ყველას გვადარდებს, მაგრამ სამწუხაროდ, ყველა ადამიანს პოლიციას ვერ დავუყენებთ გვერდით, რომ დანაშაულის პრევენციაზე ვისაუბროთ. რაც შეეხება სტატისტიკას - ის სხვა შედეგს გვიხატავს, კრიმინოგენური სიტუაცია გაუმჯობესებულია. ყველასთვის ცნობილია, რომ სხვადასხვა რეიტინგებით საქართველო ერთ-ერთ უსაფრთხო ქვეყნადაა მიჩნეული. ბელგიამ სულ რამდენიმე დღის წინ საქართველო უსაფრთხო ქვეყნების რიცხვში შეიყვანა. ასე, რომ თბილისში მომხდარი ბოლო ფაქტებიდან გამომდინარე კრიმინოგენური სიტუაციის მატებაზე ვერ ვილაპარაკებთ. ზოგადად, აგვისტო-სექტემბრის პერიოდში ხშირად ხდება ასეთი სამწუხარო ფაქტები. თუმცა, ეს სიტუაციის გამართლება არ არის. ზოგიერთ შემთხვევაში შეიძლება, სამართალდამცველთა პასუხისგებლობის საკითხი დადგეს - არ ვგულისხმობ ბოლო შემთხვევებში. საზოგადოების მხრიდან კრიტიკაა, როდესაც ზომებს ვამკაცრებთ და ადამიანები ამბობენ, რომ ხალხის უფლებებს ვლახავთ. საწინააღმდეგო შემთხვევაში სამაართალდამცველების უმოქმედობაზე საუბრობენ. უნდა შევეგუოთ, რომ კრიმინალთან ბრძოლა საზოგადოების ჩართულობის გარეშე შეუძლებელია“, - აცხადებს სესიაშვილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა