თბილისის საქალაქო სასამართლოს თავმჯდომარის მიმართ განხორციელებულ ფიზიკურ და სიტყვიერ შეურაცხყოფასა და მუქარაში ბრალდებულ ასოციაცია „მომავლის იმედის“ თავმჯდომარეს, თამარ ხაჭაპურიძეს აღკვეთის ღონისძიების სახით, წინასწარი პატიმრობა შეეფარდა.

გადაწყვეტილება  ხელვაჩაურის სასამართლომ მიიღო. აჭარის ტელევიზიის ინფორმაციით, მის მეუღლეს კი, 30 ათასი ლარის ოდენობის გირაოს გადახდა დაეკისრა.

საქმეზე წინასასამართლო სხდომა 18 ოქტომბერს ჩაინიშნა.

შემთხვევა 26 აგვისტოს მოხდა. შინაგან საქმეთა სამინისტროს ინფორმაციით, გამოძიებამ დაადგინა, რომ ბრალდებულებმა მიმდინარე წლის 26 აგვისტოს, გონიოს დასახლებაში, თბილისის საქალაქო სასამართლოს თავმჯდომარე გიორგი მიქაუტაძეს სიტყვიერი და ფიზიკური შეურაცხყოფა მიაეყენეს და სიცოცხლისა და ჯანმრთელობის მოსპობით დაემუქრნენ.

გამოძიება, სასამართლოში საქმის ან მასალის განხილვასთან დაკავშირებით, საკონსტიტუციო სასამართლოს წევრის, მოსამართლის, მსაჯულის ან მისი ახლო ნათესავის მიმართ, ჯგუფურად ჩადენილი სიცოცხლის მოსპობის, ჯანმრთელობის დაზიანების ანდა ქონების განადგურების ან დაზიანების მუქარის ფაქტზე მიმდინარეობს. (საქართველოს სსკ-ს 365-ე მუხლის მე-3 და მე-5 ნაწილის „ა“ ქვეპუნქტით).

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ფორმულას" განცხადებით, დავალიანების გამო არხის ღია სიგნალით მაუწყებლობა შეწყდა

მედვედევმა ფაშინიანს და ზელენსკის „ორი უტვინო რუსოფობი“ უწოდა

ზელენსკიმ 5-6 მაისის ღამეს ცეცხლის შეწყვეტა გამოაცხადა

ჩერნობილის კატასტროფის სამაშველო სამუშაოების ხელმძღვანელმა და РХБЗ სამხედრო ძალების უფროსმა- გენერალმა თავი მოიკლა