საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი და რეგიონული განვითარებისა და ინფრასტრუქტურის მინისტრის პირველი მოადგილე ილია დარჩიაშვილი მცხეთის მუნიციპალიტეტის სოფელ წილკანში იმყოფებოდნენ, სადაც ოკუპირებული ტერიტორიებიდან დევნილი 1300-მდე ოჯახი ცხოვრობს.  აღნიშნულ სოფელში რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდის დაკვეთითშიდა საუბნო ქუჩების მოხრეშვითი სამუშაოები ჩატარდა. სოზარ სუბარი და ილია დარჩიაშვილი შესრულებულ სამუშაოებს გაეცნენ და ადგილობრივ მოსახლეობას გაესაუბრნენ.

წილკანში ოკუპირებული ტერიტორიებიდან  დევნილი მოსახლეობით მჭიდროდ დასახლებულპუნქტიში, წვიმის დროს,  გზების სავალი ნაწილი  და მიმდებარე ტერიტორიები მთლიანად იტბორებოდა. რის გამოც შეუძლებელი ხდებოდა როგორც ფეხით, ასევე ავტომობილით გადაადგილება. სიტუაცია იმდენად მძიმე იყო, რომ დანიშნულების ადგილზე მისვლას სასწრაფო დახმარებისა და სახანძრო  სამსახურის მანქანებიც კი ვერ ახერხებდნენ.

ამ ეტაპზე სირთულეები აღმოფხვრილია. პროექტის ფარგლებში რეაბილიტაცია ჩაუტარდა 2, 5-კმ  სიგრძის გზას, რომელიც ექვს ქუჩას მოიცავს. გზის პარალელურად გაკეთდა სანიაღვრე ქსელი. პროექტის ღირებულება 160 000   ლარია.

სამშენებლო სამუშაოები ობიექტზე 2016 წლის ივლისში დაიწყო და ერთ თვეში დასრულდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა