საფრანგეთის პოლიცია ძმებ კოაშებთან მოლაპარაკებებს აწარმოებს

2015-01-09 16:34:26, 2832 ნახვა

მსოფლიო

პარიზის ჩრდილო-აღმოსავლეთით ძმები კოაშების დაკავების ოპერაცია მიმდინარეობს.

ქალაქ დამარტენ-ან-გოელში, სტამბის შენობაში Charlie Hebdo-ს რედაქციაზე თავდასხმაში ეჭვმიტანილები ძმები კოაშები იმყოფებიან, რომლებსაც მძევლად, სავარაუდოდ, 26 წლის მამაკაცი ჰყავთ აყვანილი.

პოლიცია მათთან მოლაპარაკებას ტელეფონით აწარმოებს. არსებული ინფორმაციით, ტერორისტებმა სამართალდამცველებს უთხრეს, რომ მოწამებრივი სიკვდილი სურთ. ქალაქი სპეცრაზმის ალყაშია და მის თავზე ვერტმფრენები დაფრინავენ. სპეცოპერაციას პირადად ქვეყნის პრეზიდენტი, ფრანსუა ოლანდი, ხელმძღვანელობს. საფრანგეთის დედაქალაქში ვითარება უკიდურესად დაძაბულია. დამარტენ-ან-გოელში მცხოვრებლებს პოლიციამ მათივე უსაფრთხოების მიზნით, სახლიდან გასვლა აუკრძალა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან