„საუბარი, რომ მთავრობამ სამოქმედო გეგმა კონკრეტულ რიცხვში წარმოადგინოს არასერიოზული მიდგომაა“, - ამის შესახებ საპარლამენტო უმრავლესობის წევრმა გია ვოლსკიმ „ქართული ოცნების“ პოლიტსაბჭოს სხდომის დასრულების შემდეგ ჟურნალისტებს განუცხადა.

როგორც ვოლსკიმ აღნიშნა, მთავრობა ამ საკითხზე მუშაობას აგრძელებს.

მისივე თქმით, ყველა თემასთან დაკავშირებით რიგგარეშე სესიის მოწვევა უხერხულ მდგომარეობას ქმნის.

„რაღაც ვადებზე იყო ლაპარაკი, თუმცა კონკრეტული რიცხვში წარმოდგენა არასერიოზული მიდგომა მგონია. არის მთავრობა გეგმა და მუშაობა მიმდინარეობს. ყველა თემაზე რიგგარეშე სესიის მოწვევა კომისიების და კომიტეტების შექმნა, გარკვეულ უხერხულ მდგომარეობას და ზედმეტ დაძაბულობას ქმნის ქართულ საზოგადოებაში. არსებობს მთავრობა, ეფექტურად შეუძლია იმოქმედოს და დაველოდოთ, რა გეგმას წარმოადგენს. აჟიოტაჟი და სკანდალის ატეხვა ამის გარშემო ვისი სტილია ვიზით და ნუ აყვებით“, - განაცხადა გია ვოლსკიმ.

ცნობისთვის, საქართველოს პრეზიდენტის ადმინისტრაცია მთავრობას შეახსენებს, რომ სავალუტო სტაბილიზაციის გეგმა აქვთ წარმოსადგენი.

როგორც პრეზიდენტის მრჩეველმა ეკონომიკურ საკითხებში გიორგი აბაშიშვილმა გუშინ გამართულ პრესკონფერენციაზე განაცხადა, მთავრობის ეკონომიკური გუნდის წევრები პრეზიდენტსა და საზოგადოებას დაპირდნენ, რომ 5 მარტს სავალუტო სტაბილიზაციის კონკრეტულ გეგმას წარმოადგენდნენ, თუმცა, მათ ეს არ შეასრულეს.

„მოგეხსენებათ, გასულ კვირას  საქართველოს პრეზიდენტი შეხვდა საქართველოს მთავრობის ეკონომიკური გუნდის წარმომადგენლებს,  ვიცე პრემიერს და ფინანსთა  მინისტრს. აღნიშნულ შეხვედრაზე  სამწუხაროდ, მიუხედავად ჩვენი მოწვევისა,  გაურკვეველ მიზეზთა გამო არ იმყოფებოდა  საქართველოს ეროვნული ბანკის პრეზიდენტი.  შეხვედრის შედეგად საქართველოს მთავრობის  ეკონომიკური გუნდის წევრები  პრეზიდენტს და საზოგადოებას  დაპირდნენ, რომ 5 მარტს წარმოადგენდნენ  სავალუტო სტაბილიზაციის  კონკრეტულ გეგმას, რომელიც შემუშავებული იქნებოდა  საერთაშორისო სავალუტო ფონდთან  და ეროვნულ ბანკთან   თანამშრომლობით.  სამწუხაროდ, ამ დრომდე გეგმა  წარმოდგენილი არ არის“, – აღნიშნა აბაშიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დრონებმა რუსეთის ვოლგოგრადისა და სამარის რეგიონებს შეუტიეს, ნავთობგადამამუშავებელ ქარხანას ცეცხლი გაუჩნდა

ნატოს გამანადგურებლებმა ლიეტუვის საზღვრის დარღვევის გამო დრონი ჩამოაგდეს

FT: პუტინს არ სურს ტრამპის მიერ უკრაინასთან გამოცხადებული ენერგეტიკული ზავის დადება

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას