2015-03-06 15:12:49, 583 ნახვა
პოლიტიკა
ზუგდიდის საკრებულოს სხდომაზე ფიზიკური დაპირისპირება მოხდა
ზუგდიდში საკრებულოს სხდომაზე "ნაციონალური მოძრაობის" საკრებულოს დეპუტატი, ბათლომე შელია და "ქართული ოცნების" წარმომადგენელი გოგა თოდუა ერთმანეთს დაუპირისპირდნენ.
მწვავე კამათი ფიზიკურ დაპირისპირებაში გადაიზარდა, რა დროსაც გოგა თოდუამ შელიას ბოთლი ესროლა. დაპირისპირებაში "რესპუბლიკელებიდან" ნიკოლოზ ზარქუაც ჩაერთო, რომელმაც ბათლომე შელიას ფიზიკური შეურაცხყოფა მიაყენა. დაპირისპირების გამო, საკრებულოს სხდომა შეწყდა.
ბათლომე შელიამ სოციალურ ქსელ "ფეისბუქზე" კომენტარი დაწერა, რომელშიც ის ხელისუფლებას "ბოდიალის ხელისუფლებას" უწოდებს. საკრებულოს დეპუტატებს შორის დაპირისპირება სწორედ ამ ფაქტმა გამოიწვია.
დაპირისპირების კადრები ტელეკომპანია "რუსთავი2"-მა გაავრცელა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
