ქალაქ რიგაში არსებულ ნატოს სტრატეგიული კომუნიკაციების ცენტრსა და საქართველოს თავდაცვის სამინისტროს შორის თანამშრომლობის მემორანდუმი გაფორმდა. 

დოკუმენტს საქართველოს თავდაცვის მინისტრმა, თინათინ ხიდაშელმა მოაწერა ხელი. მემორანდუმის ფარგლებში მხარეები, სტრატეგიული კომუნიკაციების შესაძლებლობების განვითარების კუთხით, სხვადასხვა ერთობლივ პროექტსა და ინიციატივას განახორციელებენ; გაცვლიან კვლევითი პროექტების შედეგებს და ერთმანეთს გამოცდილებას გაუზიარებენ;

ფართო უსაფრთხოების სექტორის წარმომადგენლებს შესაძლებლობა ექნებათ, მონაწილეობა მიიღონ სემინარებში, კონფერენციებსა და სამუშაო შეხვედრებში, რაც ეროვნულ დონეზე, სტრატეგიული კომუნიკაციების შესაძლებლობების განვითარებას შეუწყობს ხელს.

სტრატეგიული კომუნიკაციები 2014 წელს ნატოს უელსის სამიტზე მიღებული „ნატო-საქართველოს არსებითი პაკეტის“ ერთ-ერთ მნიშვნელოვან ინიციატივას წარმოადგენს. თავდაცვის სამინისტროს სტრატეგიული კომუნიკაციების მიზანი უსაფრთხო და დაცული საინფორმაციო გარემოს უზრუნველყოფაა.

მემორანდუმის ფარგლებში ნატოს სტრატეგიული კომუნიკაციების ცენტრთან დაგეგმილი ერთობლივი პროექტების წარმატებით განხორციელება საქართველოს თავდაცვის სამინისტროს სტრატეგიული კომუნიკაციების განვითარებისა და ქვეყნის თავდაცვისუნარიანობის გაძლიერების დამატებით შესაძლებლობას წარმოადგენს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა