ნიგერიაში მოქმედი ისლამისტური დაჯგუფების „ბოკო ჰარამის” მებრძოლებმა ბოლო 6 თვის განმავლობაში 50 ბავშვი თვითმკვლელ-ტერორისტებად აქციეს, - ამის შესახებ BBC გაერო-ს გენერალური მდივნის მოადგილეზე ჰუმანიტარულ საკითხებში სტივენ ობრაიენზე დაყრდნობით იუწყება. 

ობრაიანის განცხადებით, თვითმკვლელმა ბავშვებმა ტერაქტები 4 აფრიკული ქვეყნის ტერიტორიაზე განახორციელეს.

გაერო-ს შეფასებით, “ბოკო ჰარამის” ქმედებების გამო ჰუმანიტარულ დახმარებას 9 მილიონი ადამიანი საჭიროებს, აქედან 7 მილიონი ნიგერიელია. მათივე ინფორმაციით, 2,8 მილიონი ადამიანი იძულებული გახდა, საცხოვრებელი სახლები მიეტოვებინა, 5,2 მილიონი კი საკვები პროდუქტების უკმარისობას განიცდის.

ნიგერიის ბორნოს შტატში, რომელსაც ადრე “ბოკო ჰარამი” აკონტროლებდა, 250 ათასს ბავშვს შიმშილის გამო სიკვდილი ემუქრება. ობრაიენის თქმით, მიმდინარე წლის ბოლომდე ამ ბავშვებიდან ყოველი მეხუთე შესაძლოა, დაიღუპოს, თუ დროულ დახმარებას არ მიიღებს.

როგორც გაერო-ში აცხადებენ, ისლამისტების წინააღმდეგ ბრძოლა არასაკმარისი დაფინანსების გამო, არასაკმარისად ეფექტიანად მიმდინარეობს.

ცნობისთვის, “ბოკო ჰარამი” შეიარაღებულ თავდასხმებს 2009 წლიდან ახორციელებს. 2015 წლის მარტში დაჯგუფება “ისლამურ სახელმწიფოს” შეუერთდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას

მოზარდი, რომელსაც მკვლელობისთვის წარდგენილი ბრალი შეუმსუბუქდა, პატიმრობიდან გაათავისუფლეს