საერთაშორისო უფლებადამცველი ორგანიზაცია Amnesty International-ი თურქეთის ხელსიფულებას ამბოხთან კავშირში ეჭვმიტანილი პირების წამებაში ადანაშაულებს, - ამის შესახებ Haaretz-ი იუწყება.

როგორც მედია საშუალება წერს, არსებობს ინფორმაცია ოფიციალურ და არაოფიციალურ იზოლატორებში დაკავებულების წამების შესახებ.

"უფლებადამცველების მონაცემებით, პოლიცია ანკარასა და სტამბოლში “დაკავებულებს აიძულებს 48 საათის განმავლობაში იყვნენ მტკივნეულ პოზებში, ამყოფებს  მათ საკვების, წყლისა და სამედიცინო მომსახურების გარეშე, სიტყვიერად შეურაცხყოფს და ემუქრება მათ. ყველაზე უარეს შემთხვევებში დაკავებულებს სასტიკად სცემენ და აწამებენ, ასევე აუპატიურებენ", - ნათქვამია ორგანიზაციის ანგარიშში.

ორგანიზაციის განცხადებაში აღნიშნულია, რომ თურქეთში დაკავებების მასშტაბების გათვალისწინებით, მსგავსი ინფორმაცია შეშფოთებას იწვევს.

ცნობისთვის, სახელმწიფო გადატრიალების მცდელობის ჩახშობის შემდეგ თურქეთში დაახლოებით 10 ათასი ადამიანი დააკავეს.

Amnesty International-ი მოუწოდებს თურქეთის ხელისუფლებას, “შეწყვიტოს ეს საზარელი პრაქტიკა და დაკავებულებთან საერთაშორისო დამკვირვებლები შეუშვას”.

მედიის ცნობით, თურქეთის მთავრობის ოფიციალურმა წარმომადგენელმა ორგანიზაციის ბრალდებები კატეგორიულად უარყო. ანკარა უფლებადამცველებს მოუწოდებს, თურქეთის ხელისუფლების ქმედებები მიუკერძოებლად გააშუქონ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას

მოზარდი, რომელსაც მკვლელობისთვის წარდგენილი ბრალი შეუმსუბუქდა, პატიმრობიდან გაათავისუფლეს