მთავრობის ადმინისტრაციაში, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა დავით ბაქრაძემ ევროპის ლიბერალ-დემოკრატიული ალიანსის პრეზიდენტს, სერ გრეჰემ უოტსონს უმასპინძლა.

სახელმწიფო მინისტრის აპარატის ინფორმაციით, შეხვედრაზე მხარეებმა ევროკავშირის აღმოსავლეთ სამეზობლო პოლიტიკის გადახედვის პროცესსა და პარტნიორი ქვეყნების ინტერესებთან მის შესაბამისობაზე ისაუბრეს.

მათივე ცნობით, ყურადღება გამახვილდა რიგის აღმოსავლეთ პარტნიორობის სამიტისთვის მზადებაზე, მოსახლეობასთან კომუნიკაციის სტრატეგიის გაძლიერებასა და ასოცირების შესახებ შეთანხმების განხორციელებაში სამოქალაქო საზოგადოების ჩართულობაზე. 

სახელმწიფო მინისტრმა ხაზი გაუსვა საქართველო-ევროკავშირს შორის ასოცირების შეთანხმების აღსრულების ფარგლებში დაგეგმილი და მიმდინარე რეფორმების განხორციელების პროცესში ევროკავშირისა და მისი წევრი ქვეყნების დახმარების მნიშვნელობას.  

შეხვედრაზე, ასევე, საქართველოს ევროატლანტიკურ სტრუქტურებში ინტეგრაციაზე, ნატო-სა და ევროკავშირის ეგიდით წარმოებულ სამშვიდობო მისიებში საქართველოს მონაწილეობაზე ისაუბრეს.

 სერ უოტსონმა განსაკუთრებულად აღნიშნა საქართველოს წვლილი ავღანეთის ISAF-ის მისიაში. 
ინფორმაციისთვის, ევროპის ლიბერალ-დემოკრატიული ალიანსი ევროპის ლიბერალური პარტიების ერთ-ერთი დიდი გაერთიანებაა, სადაც გაწევრიანებულია ევროპის ქვეყნების 57 პარტია. ევროპის მაშტაბით ALDE სიდიდით მეოთხე ალიანსია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რეჟიმის წარმომადგენელი მაჭარაშვილი ამბობს, რომ ფასების კომისია არ პასუხობს გამოწვევებს

ონის მისასვლელთან მეწყერი ჩამოწვა, შეზღუდულია ტრანსპორტის მოძრაობა

3-18 მაისს ნარეკვავი-მცხეთა გზის მარცხენა მხარეს ჩამსვლელ პანდუსზე მოძრაობა შეიზღუდება

ბრიტანეთმა ანტისემიტური თავდასხმების გამო პროპალესტინის დემონსტრაციების აკრძალვა არ გამორიცხა