პრემიერის ბრძანებით, თავდაცვის სამინისტრომ "9+1"-ის გადამღებ კომპანიას 1 თვით 15 სამხედრო პერანგი გადასცა

2016-07-19 15:52:08, 1178 ნახვა

სხვადასხვა

მრავალსერიანი მხატვრული ფილმის "9+1" გადაღების მიზნით, საქართველოს თავდაცვის სამინისტრომ შპს "ლე ხაინდრაო პროდაქშენი" 1 თვით, სამხედრო მოსამსახურის 15 ცალი მოკლემკლავიანი პერანგით უზრუნველყო.

"საქართველოს მთავრობის სტრუქტურის, უფლებამოსილებისა და საქმიანობის წესის შესახებ საქართველოს კანონის მე-5 მუხლის "კ" ქვეპუნქტის თანახმად, შპს "ლე ხაინდრაო პროდაქშენის" მიერ მრავალსერიანი მხატვრული ფილმის 9+1-ის გადაღების მიზნით საქართველოს თავდაცვის სამინისტრომ განახორციელოს შპს "ლე ხაინდრაო პროდაქშენისთვის" ერთი თვის ვადით, სამხედრო მოსამსახურის 15 ცალი მოკლემკლავიანი პერანგით უზრუნველყოფა", - ნათქვამია პრემიერმინისტრის განკარგულებაში.

ცნობისთვის, „ლე ხაინდრაო პროდაქშენის“ წილის 33%-ს სერიალ "9+1"-ის რეჟისორი გოგა ხაინდრავა ფლობს, 33%-ს - გორგასლან ხაინდრავა, 34%-ს კი, ლევან ხაინდრავა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან