ანბანის კოშკის მიმდებარედ დაზიანებული ფილების ახლით ჩანაცვლების სამუშაოები დაიწყო.

მიმდინარე სამუშაო პროცესს აჭარის მთავრობის თავმჯდომარე ზურაბ პატარაძე ადგილზე გაეცნო.

აჭარის მთავრობის ადმინისტრაციის პრესსამსახურის ინფორმაციით, სამუშაოებს ამ ეტაპზე ბათუმის ბულვარის ადმინისტრაცია ახორციელებს. „საოცრებათა პარკში“ ქვაფენილების დაზიანება 7 ივნისს MAROON 5-ის კონცერტისთვის სცენის კონსტრუქციის შემოტანისა და მონტაჟის დროს მძიმე ტექნიკის მოძრაობამ გამოიწვია.

„ჩვენ ყოველდღიურ რეჟიმში ვაპირებთ ქალაქის შემოვლას. ახლა ვიმყოფებით ბათუმის ბულვარის ტერიტორიაზე, რომელიც არის ჩვენი ქალაქის სავიზიტო ბარათი და ერთ-ერთი ყველაზე მიმზიდველი ადგილი ბათუმელებისა და მისი სტუმრებისათვის. ახლა არის ტურისტული ,,მაღალი სეზონი“ და აუცილებელია ის პატარა ხარვეზებიც, რომლებიც არსებობს, აღმოიფხვრას’’, - აღნიშნა ზურაბ პატარაძემ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„მე არ შემიძლია ნეიტრალური ვიყო“ - კრისტინ ლაგარდი ხსნის ევროპის ცენტრალური ბანკიდან ნაადრევ წასვლას

სამმა ამერიკულმა მედიასაშუალებამ ჟურნალისტებისთვის დაწესებული შეზღუდვების გამო ტრამპის ადმინისტრაციის წინააღმდეგ კვლავ შეიტანა სარჩელი

მსახიობი პატრიკ სტიუარტი გარდაიცვალა

თბილისში დაგეგმილ MMA-ის მსოფლიო ჩემპიონატში მონაწილეობას 64 რუსი სპორტსმენი მიიღებს