საქართველოში სამდღიანი ვიზიტის ფარგლებში გერმანიის ფედერაციული რესპუბლიკის ბუნდესვერის „შიდა მართვის“ სამსახურის  წარმომადგენლები იმყოფებიან.

თავდაცვის სამინისტროს ინფორმაციით, დელეგაციის წევრებმა, საზღვაო ფლოტის კაპიტან მარტინ პიშოტის ხელმძღვანელობით, თავდაცვის უწყების თანამშრომლებისთვის სემინარი „შეიარაღებული ძალები დემოკრატიაში“  გამართეს.

სემინარის ფარგლებში გერმანულმა მხარემ თავდაცვის უწყების წარმომადგენლებს გერმანიის შეიარაღებული ძალების შექმნის ისტორია გააცნეს და ბუნდესვერის სტრუქტურისა და სპეციფიკის შესახებ ინფორმაცია მიაწოდეს. საუბარი შეეხო გერმანიის ფედერაციულ რესპუბლიკაში ჯარისკაცის უფლება-მოვალეობებს,  სამხედრო ომბუდსმენის არსებობის მნიშვნელობას და მის ფუნქციებს.

სემინარზე ბუნდესვერის წარმომადგენლებმა ყურადღება ჯარში საპარლამენტო კონტროლსა და განათლების დონის ამაღლების მნიშვნელობაზე გაამახვილეს.  ერთ-ერთი თემა  ბუნდესვერის კონსტიტუციურ სამართლებრივი სტატუსი იყო.

სემინარი საქართველოსა და გერმანიის თავდაცვის სამინისტროებს შორის არსებული ორმხრივი თანამშრომლობის გეგმის ფარგლებში იმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბრიტანეთმა ანტისემიტური თავდასხმების გამო პროპალესტინის დემონსტრაციების აკრძალვა არ გამორიცხა

სკოლის მოსწავლეები ერთმანეთს ფიზიკურად დაუპირისპირდნენ - გამოძიება ძალადობის მუხლით დაიწყო

ტრამპი - ირანიდან დაბრუნებული ამერიკული ფლოტი კუბაზე თითქმის მაშინვე კონტროლს აიღებს

ფორმულა 1-ის ყოფილი მრბოლელი და სამგზის პარაოლიმპიური ჩემპიონი ალესანდრო ზანარდი გარდაიცვალა