განათლებისა და მეცნიერების მინისტრის ალექსანდრე ჯეჯელავას განმარტებით, გერმანული მოდელი, ანუ დუალური განათლება სწავლასთან ერთად მუშაობას გულისხმობს.

როგორც ჯეჯელავამ მთავრობის სხდომის დასრულების შემდეგ ჟურნალისტებს განუცხადა, განათლების სამინისტრო ყოველდღიურად მუშაობს ბიზნესის წარმომადგენლებთან, შრომის, ჯანმრთელობისა და სოციალური დაცვის სამინისტროსთან, რომ  უნივერისტეტს უფრო მეტი დამსაქმებელი დაუკავშირონ.

„დუალურ განათლების მიმართულებით ჩვენ უკვე გვაქვს გადადგმული ნაბიჯები, თუმცა, სექტემბერში და სულ მუდმივად უნივერსიტეტებთან მიმდინარეობს მუშაობა, სულ უფრო მეტი სასწავლო ადგილი გახდეს დაკავშირებული სამუშაო ადგილთან.. თან რომ სწავლობ და თან მუშაობ, ეს არის დუალური განათლება და ითვლება, რომ ამ დროს ყველაზე კარგად სწავლობ, რადგან პრაქტიკული ცოდნა და თეორია ერწყმის ერთმანეთს. ეს აქამდე რეგულირებული არ იყო და თქვენ თუ აქამდე ამას აკეთებდით, აკეთებდით თქვენით. ჩვენ შევეცდებით ხელი შევუწყოთ ასეთი კავშირების დამყარებას, ყოველდღიურად ვმუშაობთ ბიზნესებთან, ჯანდაცვის სამინისტროსთან, რათა სულ უფრო მეტი დამსაქმებელი დავაკავშიროთ უნივერსიტეტებთან და წავახალისოთ თუნდაც მატერიალურად, ასეთი დუალური სისტემა. ამ მიმართულებით კონკრეტული შედეგები ახლაც გვაქვს და კიდევ გვექნება მუდმივად. ჩვენ ხელი უნდა შევუწყოთ როგორც კომპანიებს, რომ მათ აინტერესებდეთ სტუდენტბის აყვანა სამსახურში, ასევე ხელი შევუწყოთ სტუდენტებს, რომ მათ აინტერესებდეთ დუალური მიმართულებით სწავლა, რადგან ეს ძნელდება, ანუ მეტი საქმე გაქვს. სწავლა და პარალელურად მუშაობა ძალიან დიდი დატვირთვაა, ძალიან რთული გასაკეთებელია, ამიტომ ჩვენ ვფიქრობთ, რომ ამას მატერიალური მხარდაჭერაც დასჭირდება“, - განაცხადა ალექსანდრე ჯეჯელავამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა

უკრაინელი და ქართველი ადამიანის უფლებათა დამცველი ალექსანდრა დელემენჩუკი გარდაიცვალა