საკრებულოს დამოუკიდებელი დეპუტატი ალეკო ელისაშვილი გარემოსა და ბუნებრივის რესურსების მინისტრის გიგლა აგულაშვილის მიერ "რესპუბლიკური პარტიის“ დატოვებასა და სახელისუფლებო გუნდში დარჩენას ეხმაურება.

როგორც ელისაშვილი Facebook-ის საკუთარ გვერდზე წერს, „აგულაშვილს თანამდებობა და ჯიპი ყველაფერს ურჩევნია“.

"აი, ამ კაცმა, ბატონმა აგულაშვილმა შევარდნაძის დროს პროკურორი რომ იყო, მერე რესპუბლიკელი რომ გახდა და ახლა რომ ისკუპა "ოცნებაში" სკამის გამო ამასწინ დაიბარა საჯარო მოხელე, მისი სამინისტროს თანამშრომელი და საქმე გაურჩია პარტიზანი მებაღეების აქციაზე რა გინდოდაო. ირაკლი ჯუღელია ის ბიჭი, პრინციპული და შეუპოვარი რომელიც არც თავდახრილი უსმენდა ამ პარაზიტის უზრდელობებს და არც მისი სამსახურიდან გაშვების გადაწყვეტილების უსიტყვო მორჩილებას აპირებს. მაგარი ბიჭია, საკუთარი ღირსების და უფლებების ბოლომდე დამცველია. ეს ტიპი, ბატონი აგულაშვილი კი არის ტიპიური მედროვე და პარაზიტი, სკამი, თანამდებობა და ჯიპი რომ ურჩევნია ყველაფერს დედამიწაზე. ოცნებას ასეთი პარაზიტები ღმერთმა მშვიდობაში მოახმაროს მე კი პოლიტიკაში ირაკლი ჯუღელისნაირ პრინციპულ ადამიანებს ვისურვებ !", - წერს საკუთარ "ფეისბუქის" გვერდზე ელისაშვილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო