ქართულ-ამერიკული სპეციალური ოპერაციების ქვედანაყოფების ერთობლივი სწავლება დასრულდა. სამხედრო მოსამსახურეებს კურსის დასრულება საქართველოს თავდაცვის მინისტრმა თინათინ ხიდაშელმა და შეიარაღებული ძალების გენერალური შტაბის უფროსმა, გენერალ-მაიორმა ვახტანგ კაპანაძემ მიულოცეს. მათ უცხოელ პარტნიორებს მხარდაჭერისთვის მადლობა გადაუხადეს და ყურადღება მსგავსი სწავლებების ჩატარების მნიშვნელობაზე გაამახვილეს.

„ეს პროგრამა ერთ-ერთია იმ ძალიან ბევრ პროექტსა და პროგრამას შორის, რომელსაც ქართულ-ამერიკული მხარე ერთობლივად ახორციელებს ჩვენი ქვეყნის თავდაცვისუნარიანობის გაზრდისთვის. დარწმუნებული ვარ, რომ ასეთი პროგრამები სასარგებლოა ჩვენი ჯარისკაცებისთვის, სასარგებლოა ასევე ამერიკელებისთვის. წინ ძალიან ბევრი წელი გვაქვს, როდესაც კიდევ უფრო მეტი აქტიურობით, ინტენსიურობით მოხდება ცოდნის, გამოცდილების ურთიერთგაცვლა, ურთიერთგაზიარება იმისათვის, რომ ჩვენების მზადყოფნის დონე თავსებადი იყოს იმ მოთხოვნებთან, რომელსაც საერთაშორისო თანამეგობრობა უყენებს ასეთი ტიპის ქვედანაყოფებს და შეიარაღებულ ძალებს“, - განაცხადა თინათინ ხიდაშელმა.

სწავლების მონაწილეებს სიტყვით მიმართეს ასევე საქართველოში აშშ-ის ელჩმა იან კელიმ და სპეციალური ოპერაციების ძალების მეთაურმა, პოლკოვნიკმა დიმიტრი კიკნაძემ.

ქართულ-ამერიკული ერთობლივი სწავლება რამდენიმე კვირის განმავლობაში მიმდინარეობდა და ტაქტიკურ და ოპერატიულ დონეებს მოიცავდა. სწავლების პროცესში სამხედრო მოსამსახურეები ბრძოლის ველზე პირველადი სამედიცინო დახმარების აღმოჩენის, საცეცხლე მომზადებისა და სამხედრო გადაწყვეტილების მიღების მეთოდებს დაეუფლნენ; გაიუმჯობესეს ტაქტიკური დაგეგმვის უნარ-ჩვევები.

დახურვის ცერემონიალზე კურსის მონაწილეებს სერტიფიკატები გადაეცათ. ღონისძიებას გენერალური შტაბის უფროსის მოადგილე, პოლკოვნიკი ნიკოლოზ აგლაძე და საქართველოში ამერიკის თავდაცვის ატაშე, პოლკოვნიკი მეთიუ დიმიკი დაესწრნენ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა