„ჩვენმა ხელისუფლებამ ძალიან ბევრი გააკეთა უკვე, მაგრამ დარჩენილია უამრავი საქმე გამოსაძიებელი“, - ამის შესახებ საქართველოს პრემიერ-მინისტრმა ირაკლი ღარიბაშვილმა სამართალწარმოების პროცესში ჩადენილი დანაშაულის გამოძიების დეპარტამენტის პრეზენტაციაზე სიტყვით გამოსვლისას განაცხადა.

„ყველას კარგად მოგეხსენებათ, რომ ჩვენი ხელისუფლებაში მოსვლის დღიდან დღემდე, ძალიან ბევრი საქმე იქნა გამოძიებული საქართველოს პროკურატურის მიერ. ძალიან ბევრ მოქალაქეს აღუდგა დარღვეული უფლებები, ეს იქნება ქონებრივი უფლებები თუ სხვა სახის, რომელიც დარღვეული იქნა წინა ხელისუფლების დროს. ძალიან მაღალია ინტერესი და მოლოდინი ქვეყანაში სამართლიანობის აღდგენასთან დაკავშირებით და მინდა გითხრათ, რომ ჩვენი მოქალაქეების დარღვეული უფლებების აღდგენასთან დაკავშირებით, ჩვენმა ხელისუფლებამ ძალიან ბევრი გააკეთა უკვე, მაგრამ დარჩენილია უამრავი საქმე გამოსაძიებელი“, - განაცხადა ღარიბაშვილმა.

როგორც პრემიერმა აღნიშნა, სამართალწარმოების პროცესში ჩადენილი დანაშაულის გამოძიების დეპარტამენტი, მოქალაქეების დარღვეული უფლებების აღდგენის საქმეს მოემსახურება.

„ ორი წლის წინ, ბატონი ბიძინა ივანიშვილის მეთაურობით, ჩვენ დავიწყეთ საქმეები დახარისხება, კერძოდ, საქართველოს მთავარ პროკურატურაში დაიწყო ათასობით განაცხადის შესწავლა, მათი სისტემატიზაცია, რა თქმა უნდა ამ პროცესში მონაწილეობას ღებულობდა ეკონომიკის სამინისტრო და ყველა ის უწყება, რომელიც დაკავშირებული იყო ამ საქმეების შესწავლაში. ჩვენ მართლაც არც ერთი წუთით არ შეგვიწყვეტია მუშაობა ამ მიმართულებით და დღეს უკვე გვაქვს ახალი სტრუქტურა მთავარ პროკურატურაში და გვაქვს შექმნილი დეპარტამენტი, რომელიც სწორედ ჩვენი მოქალაქეების დარღვეული უფლებების აღდგენის საქმეს მოემსახურება“, - განაცხადა ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა