გორის მუნიციპალიტეტში პროექტის „კლიმატის ფორუმი აღმოსავლეთში II" ფარგლებში შეხვედრა გაიმართა

2016-07-08 19:37:13, 1033 ნახვა

სხვადასხვა

გორის, ქარელის, კასპისა და ხაშურის მუნიციპალიტეტებში პროექტი „კლიმატის ფორუმი აღმოსავლეთში II" იწყება. პროექტთან დაკავშირებით დღეს გორის მუნიციპალიტეტის გამგებლის პირველი მოადგილე გიორგი წვერავა „მწვანეთა მოძრაობა/დედამიწის მეგობრები საქართველოს" წარმომადგენლებს შეხვდა.

პროექტის ფარგლებში გორის მუნიციპალიტეტში დაიგეგმა საინფორმაციო შეხვედრები და საგანმანათლებლო სემინარები.

პროექტის მიზანია ცნობიერების ამაღლების მიზნით კამპანიის წამოწყება შერჩეული ბენეფიციარებისა და სამიზნე ჯგუფებში კლიმატის ცვლილების შედეგად მიღებულ გარემოსდაცვით და სოციალურ-ეკონომიკურ საკითხებზე. პროექტი ასევე გულისხმობს ადვოკატირების კუთხით ეროვნულ დონეზე შესაბამისი მასალების მომზადებას.

„კლიმატის ფორუმი აღმოსავლეთში II" ორიენტირებულია კლიმატის ცვლილებებთან დაკავშირებით ცნობიერების ამაღლების კამპანიაში ახალგაზრდების ჩართულობაზე.

პროექტის განხორციელებისათვის ორგანიზაცია იყენებს წარმატებით აპრობირებულ მეთოდოლოგიას, რომელიც გულისხმობს როგორც საგანმანათლებლო და ცნობიერების ასამაღლებელ, ასევე პოლიტიკური ლობირების ინსტრუმენტს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან