აჭარის ჯანდაცვის მინისტრის მოადგილე ზურაბ თენიეშვილმა და სოციალური დაცვის დეპარტამენტის უფროსმა ლელა სურმანიძემ 3 მარტი 2008 წლის აგვისტოს ომში დაღუპული სერჟანტის ედნარ დიასამიძის მეუღლეს მიულოცეს.

ედნარ დიასამიძე 34 წლის ასაკში 2008 წლის აგვისტოს საომარი მოქმედებების დროს გმირულად დაიღუპა. მეორე ქვეითი ბრიგადის 23-ე ბატალიონის ჯარისკაცს სამხედრო სამსახურში მოღვაწეობის 16 წლიანი გამოცდილება ჰქონდა. დაღუპულ სერჟანტს მეუღლე და ორი მცირეწოვანი შვილი დარჩა.

აჭარის ჯანდაცვის სამინისტროს პროგრამის ფარგლებში ქალბატონ ჟუჟუნა დისამიძეს 1000 ლარი გადაეცა.

აღსანიშნავია, რომ პროგრამა 2008 წლის აგვისტოს თვეში განვითარებული საომარი მოქმედებების შედეგად დაღუპული აჭარაში მცხოვრები 16 სამხედრო მოსამსახურის, ასევე, 2012 წელს ავღანეთში საერთაშორისო სამხედრო ოპერაციის შესრულების დროს დაღუპული 3 მეომრის დედებისა და მეუღლეებისათვის 1 000 – 1 000 ლარის გადაცემას ითვალისწინებს. დედის დღესთან დაკავშირებით თანხა საბანკო ანგარიშებზე სულ 22 ბენეფიციარს დაერიცხა.

აღნიშნული ოჯახები მატერიალურ დახმარებას 3000 ლარის ოდენობით აგვისტოს ომის წლისთავთან დაკავშირებითაც მიიღებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პერმს ტუაფსეს მსგავსი ეკოლოგიური კატასტროფა ელის

ზურაბიშვილი რეჟიმის მიერ ვენახის გაშენების აკრძალვაზე - დავბრუნდით შაჰ-აბასისა თუ საბჭოთა დროს

რუსეთის მიერ უკრაინაში დადასტურებულმა დანაკარგებმა 216 000 ადამიანს გადააჭარბა.

კრემლის ჩინეთის გავლით ტექნოლოგიების იმპორტზე დამოკიდებულებამ 90%-ს მიაღწია.