საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი და გურიის გუბერნატორი გია სალუქვაძე ლანჩხუთის მუნიციპალიტეტის სოფელ აცანაში, ლეილა ბალაძის 7-სულიან ეკომიგრანტ ოჯახს ესტუმრნენ და ცენტრ  “აფხაზეთის“  წარმომადგენლებთან ერთად,  სასოფლო-სამეურნეო ტექნიკა  გადასცეს.

მინისტრმა   ეკომიგრანტი ოჯახებისთვის შესყიდული სახლები ქობულეთის მუნიციპალიტეტშიც მოინახულა და მათთვის გადაცემული სასოფლო-სამეურნეო ტექნიკა დაათვალიერა.

დევნილთა სამინისტროს ინფორმაციით, საქველმოქმედო ჰუმანიტარულმა ცენტრმა  “აფხაზეთი“  ეკომიგრანტებს  5 კულტივატორი (მინიტრაქტორი),  6 ბალახის საჭრელი აპარატი (სათიბელა), 4 ჯაჭვური ხერხი, წყლის გამფრქვევი („კერხერი“), წყლის ავზი და სხვა მოწყობილობები დაურიგა.

„საქართველოში ეკომიგრანტების საარსებო წყაროების შესაძლებლობების გაძლიერების“  პროექტის ფარგლებში,  სულ  42 ოჯახი დაფინანსდა, მათ შორის 36-ს მსხვილფეხა პირუტყვი გადაეცა.  აღნიშნულ პროექტს საქველმოქმედო ჰუმანიტარული ცენტრი“აფხაზეთი“, შვეიცარიის განვითარებისა და თანამშრომლობის სააგენტოს ფინანსური ხელშეწყობით ახორციელებს.

პროექტის ფარგლებში, ეკომიგრანტ ოჯახებს სოფლის მეურნეობის მიმართულებით სპეციალური ტრენინგიც ჩაუტარდათ.

აჭარის  მთავრობამ კი,  იმ ეკომიგრანტ ოჯახებს, რომლებიც სტიქიამ აჭარის რეგიონში დააზარალა ახალ სახლში გადასასვლელად ტრანსპორტირების ხარჯებისთვის დამატებით 1500 ლარი გამოუყო.

შვეიცარიის განვითარებისა და თანამშრომლობის სააგენტოსთან 2014 წელს გაფორმებული საგრანტო ხელშეკრულების ფარგლებში, დევნილთა და განსახლების სამინისტრომ ეკომიგრანტი ოჯახებისთვის გასულ წელს 53 საცხოვრებელი სახლი  და მიწის ნაკვეთები შეისყიდა.

პროექტის ფარგლებში, საცხოვრებელი სახლებისა და მიწის ნაკვეთების შესყიდვის პარალელურად, სტიქიით დაზარალებულ  ოჯახებს,  მათ საჭიროებებზე მორგებული, მცირე გრანტებიც  გადაეცათ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა

უკრაინელი და ქართველი ადამიანის უფლებათა დამცველი ალექსანდრა დელემენჩუკი გარდაიცვალა