საქართველოს შეიარაღებული ძალების ეროვნული გვარდიის უფროსი, ბრიგადის გენერალი ლევან გამყრელიძე ოფიციალური ვიზიტით უკრაინაში იმყოფებოდა.

თავდაცვის სამინისტროს ინფორმაციით,  უკრაინელ კოლეგასთან, გენერალ-ლეიტენანტ იური ალეროვთან შეხვედრაზე საუბარი მიმდინარე თანამშრომლობასა და სამომავლო პერსპექტივებს შეეხო.

უწყების ინფორმაციით, მხარეები სამხედრო მოსამსახურეების წვრთნების საკითხში ურთიერთგამოცდილების გაზიარებაზე შეთანხმდნენ. უკრაინელმა გენერალმა ქართველ კოლეგას მის უწყებაში მიმდინარე რეფორმებიც გააცნო.

ეროვნული გვარდიის უფროსთან ერთად უკრაინაში იმყოფებოდნენ ასევე, მისი მოადგილე, პოლკოვნიკი ანზორ გოგუაძე და საქართველოს სამხედრო ატაშე უკრაინაში, პოლკოვნიკი ზურაბ ფოჩხუა.

უკრაინის შემდეგ ეროვნული გვარდიის დელეგაცია ტალინშიც გამეგზავრა, სადაც ესტონეთის გამარჯვების დღისადმი მიძღვნილ აღლუმსა და სხვა ღონისძიებებს დაესწრო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა