საბერძნეთში ელჩის თანამდებობაზე იოსებ ნანობაშვილის კანდიდატურაა წარდგენილი. 
ამის შესახებ საგარეო საქმეთა სამინისტროს სპიკერმა დავით კერესელიძემ გუშინ გამართულ ბრიფინგზე განაცხადა. 

მისივე ინფორმაციით, ნანობაშვილი კარიერული დიპლომატია და საგარეო საქმეთა სამინისტროში მუშაობის მრავალწლიანი გამოცდილება გააჩნია. 

2013 წლის დეკემბრიდან დღემდე არის საერთაშორისო ეკონომიკურ ურთიერთობათა დეპარტამენტის დირექტორი. სხვადასხვა დროს მუშაობდა ავსტრიაში, რუმინეთში, ბენელუქსის ქვეყნებში საქართველოს დიპლომატიურ წარმომადგენლობებში. 

„იოსებ ნანობაშვილს აქვს დიდი გამოცდილება ევროკავშირთან თანამშრომლობის მიმართულებით და სხვადასხვა დროს მუშაობდა ცენტრალურ აპარატში სწორედ ევროკავშირთან ინტეგრაციის დეპარტამენტში.

ნანობაშვილი ინიშნება ძალიან მნიშვნელოვან ქვეყანაში. საბერძნეთი გახლავთ საქართველოს მეგობარი სახელმწიფო და ჩვენ ამ ქვეყანასთან გვაკავშირებს ისტორიული ერთიანობა. საბერძნეთში არის შეცვლილი ვითარება, იქ შეიცვალა მთავრობა და იმედს გამოვთქვამთ, რომ ახალი ელჩის საქმიანობა იქ კიდევ უფრო გააქტიურებს და განავითარებს ჩვენს თანამშრომლობას“, – აღნიშნა კერესელიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა