ბოსნია და ჰერცეგოვინას დედაქალაქ სარაევოში სამხრეთ-აღმოსავლეთ თავდაცვის მინისტერიალის (SEDM) შტაბის უფროსის მოადგილეების შეხვედრა გაიმართა. ღონისძიებაზე საქართველოს თავდაცვის სამინისტროს დელეგაცია გენერალური შტაბის უფროსის პირველი მოადგილის, პოლკოვნიკ ომარ ბეგოიძის ხელმძღვანელობით იყო წარმოდგენილი.

საქართველოს შეიარაღებული ძალების გენერალური შტაბის უფროსის პირველმა მოადგილემ შეხვედრაზე სიტყვით გამოსვლისას ოკუპირებულ აფხაზეთსა და ცხინვალის რეგიონში არსებულ ვითარებასა და რეგიონის უსაფრთხოების წინაშე მდგარ გამოწვევებზე ისაუბრა, ყურადღება ასევე გაამახვილა საქართველოსა და უკრაინაში რუსეთის მიერ წარმოებულ პოლიტიკაზე.

პოლკოვნიკ ომარ ბეგოიძის განცხადებით, საქართველო, გამოწვევების მიუხედავად, მზად არის, მნიშვნელოვანი წვლილი შეიტანოს სამხრეთ-აღმოსავლეთ ევროპის რეგიონის სტაბილურობის უზრუნველყოფაში.

„წლების განმავლობაში საერთაშორისო მისიებში მონაწილეობით საქართველომ დაამტკიცა, რომ არის საიმედო პარტნიორი გლობალური მშვიდობისა და უსაფრთხოების უზრუნველყოფის საკითხში“,- განაცხადა გენერალური შტაბის უფროსის პირველმა მოადგილემ.

პოლკოვნიკმა ომარ ბეგოიძემ სამხრეთ-აღმოსავლეთ თავდაცვის მინისტერიალის ფარგლებში მოქმედ ინიციატივებზეც და მასში საქართველოს მონაწილეობაზე ისაუბრა.

მიმდინარე წლის შემოდგომას დაგეგმილი სამხრეთ-აღმოსავლეთ ევროპის სიმულაციურ სწავლებაში (SEESIM16) საქართველო დამკვირვებლის სტატუსით მიიღებს მონაწილეობას. საქართველოს მონაწილეობის საკითხი განიხილება სამხრეთ-აღმოსავლეთ ბრიგადის (SEEBRIG) ფარგლებში დაგეგმილ სწავლებაშიც -„Seven Stars16“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა