საქართველოს პრეზიდენტი გიორგი მარგველაშვილი თურქეთის რესპუბლიკის პრეზიდენტს რეჯეფ თაიფ ერდოღანს დაბადების დღეს ულოცავს.

„თქვენო აღმატებულებავ, ნება მიბოძეთ გულითადად მოგილოცოთ დაბადების დღე, გისურვოთ ჯანმრთელობა, ბედნიერება და წარმატება.

საქართველო დიდ მნიშვნელობას ანიჭებს თურქეთთან, როგორც საქართველოს მეგობარ ქვეყანასთან ურთიერთობის განმტკიცებას. მოხარული ვარ, რომ თქვენი ხელმძაღვანელობით თურქეთის რესპუბლიკა წარმატებით ვითარდება, როგორც მაღალი პოლიტიკური და ეკონომიკური კულტურის მქონე სახელმწიფო. მჯერა, რომ საერთო ძალისხმევით ჩვენი სტრატეგიული პარტნიორობა გაღრმავდება და კიდევ უფრო გაძლიერდება ჩვენი ხალხების საკეთილდღეოდ.

ვსარგებლობ შემთხვევით და კიდევ ერთხელ გიხდით მადლობას საქართველოს სუვერენიტეტისა და ტერიტორიული მთლიანობის მხარდაჭერისთვის.

თქვენო აღმატებულებავ, ნება მიბოძეთ დაგიდასტუროთ ჩემი ღრმა პატივისცემა, გისურვოთ თქვენ და თურქ ხალხს მშვიდობა და კეთილდღეობა“, - ნათქვამია საქართველოს პრეზიდენტის წერილში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა