საქართველოს მთავრობამ ადამიანის უფლებათა ევროპული კონვენციის მე-15 ოქმის პარლამენტში სარატიფიკაციოდ გაგზავნის საკითხი დაამტკიცა.

ამის შესახებ იუსტიციის მინისტრმა თეა წულუკიანმა მთვრობის სხდომის დასრულების შემდეგ ჟურნალისტებს განუცხადა.

როგორც წულუკიანმა აღნიშნა, ოქმის ძალაში შესვლის შემდეგ, ადვოკატებს სტრასბურგის სასამართლოსადმი მიმართვისთვის 4 თვის ნაცვლად, 6 თვე ექნებათ.

“თქვენ გახსოვთ, რომ ივნისში ხელი მოვაწერე სტრასბურგში ადამიანის უფლებათა ევროპული კონვენციის მე-15 ოქმს, დღეს მთავრობამ საგარეო საქმეთა და ჩვენი სამინისტროების ინიციატივით, დაამტკიცა ამ ოქმის პარლამენტში სარატიფიკაციოდ გაგზავნის საკითხი, და როდესაც მოხდება ამ ოქმის რატიფიკაცია, მე მსურს დღეიდანვე იცოდნენ ჩვენმა ადვოკატებმა, რომ როგორც კი ოქმი შევა ძალაში, მათ სტრასბურგის სასამართლოსადმი მიმართვისთვის, აღარ ექნებათ 6 თვე როგორც ეს დღეს არის და ექნებათ მხოლოდ 4 თვე. ამას ითვალისწინებს მე-15 ოქმი და ამისათვის იურისტთა საზოგადოებას მოუწევს, რომ მზადება დაიწყონ. ბევრმა წევრმა სახელმწიფომ ხელი მოაწერა, უკვე რატიფიცირებულიც აქვს და ჩვენ ვართ მომდევნო ქვეყანა, ვინც ხელმოწერილია, მაგრამ რატიფიკაციას იმედია მალევე მოახდენს”,-განაცხადა იუსტიციის მინისტრმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

24 მოქმედი თანამდებობის პირი 30 კომპანიის დირექტორიცაა, რაც კანონდარღვევაა - transparency international

დაჯგუფების წევრებს, რომლებიც მამაკაცებს ქალების სახელებით ეცნობოდნენ, შემდეგ სცემდენ და აღაჩაღებდნენ ბრალი წარედგინათ

დააგროვეთ MR ქულები საკრედიტო Amex ბარათით საქართველოს ტერმინალზე - ისარგებლეთ განსაკუთრებული პირობით ბარათის აღებისას

მოსამართლეთა კორუმპირებულობაზე მოსამართლე ნადარაიასა და ნიკა გვარამიას შორის დაპირისპირება იყო - ვიდეო