ვიცე-პრემიერის, ენერგეტიკის მინისტრ კახი კალაძის განცხადებით, ტელეკომპანია"რუსთავი2"-ის საქმე კერძო დავაა და  ხელისუფლებას მასთან  კავშირი არ აქვს. კალაძე არ იზიარებს მოსაზრებას, რომ პროცესი დაჩქარებულად მიმდინარეობს.

"როგორ მიმდინარეობს დაჩქარებულად, რამოდენიმე თვეა ეს პროცესი მიმდინარეობს. დაველოდთ სასამართლოს გადაწყვეტილებას. გამიჭირდება საუბარი და ვფიქრობ,  სწორიც არ იქნება ჩემი მხრიდან რაიმე განცხადების გაკეთება, რადგან ჩემი თანამდებობიდან გამომდინარე, ჩემი განცხადებები შეიძლება გამოყენებული და აღქმული იქნეს ერთი, ან მეორე მხარის ზეწოლად, ან თუნდაც თანადგომად. ამიტომ, დაველოდოთ,  სასამართლო ქვეყანაში არის დამოუკიდებელი და შესაბამისად, გადაწყვეტილება, რომელიც იქნება მიღებული, არვიცი, გახდება ცნობილი. ხელისუფლება არაფერ შუაშია. ის წელები აღარაა საქართველოში, როდესაც ერთ დღეს იჭერდნენ, ერთ დღეს ასამართლებდნენ და ერთ დღეს გირაოთი ათავისუფლებდნენ, მორჩა ეს დრო დამთავრდა", - განაცხადა კახა კალაძემ.

სააპელაციო სასამართლოში "რუსთავი2"-ის საქმეზე პროცესი მიმდინარეობს. გამორიცხული არაა, მოსამართლემ გადაწყვეტილება დღესვე მიიღოს.

"რუსთავი2"-ის საჩივარი  თბილისის საქალაქო სასამართლოს მოსამართლე თამაზ ურთმელიძის 2015 წლის 3 ნოემბრის გადაწყვეტილებას ეხება,  რომლითაც ტელეკომპანიის  წილის 100%  ბიზნესმენ ქიბარ ხალვაშს გადაეცა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ახალი შეთავაზება თიბისის ინვესტიციების პლატფორმაზე - დაიბრუნე ვაჭრობის საკომისიო და დასაჩუქრდი $500-მდე

რუსეთის საგადასახადო სამსახურმა თამარა გვერდწითელის კომპანიის ანგარიშები დაბლოკა

თურქეთმა რუსული ქვანახშირის შესყიდვები შეაჩერა შავ ზღვაში უკრაინის მიერ გემებზე თავდასხმის შემდეგ

ტრამპი 2024 წლის არჩევნებში გამარჯვების შემდეგ 2.7 მილიარდი დოლარით გამდიდრდა