თავდაცვის სამინისტროს ბალანსზე ათობით საცხოვრებელი კორპუსია, რომელიც სამხედრო მოსამსახურეებისთვის არის განკუთვნილი. 
როგორც "ექსპრესნიუსს" თავდაცვის სამინისტროდან აცნობეს,  ბოლო ორი ათწლეულის განმავლობაში, სხვადასხვა დროს,  აღნიშნული ბინები რიგ შემთხვევებში უკანონოდ იყო დაკავებული მოქალაქეების მიერ. 
მათივე ინფორმაციით, თავდაცვის სამინისტრომ საჭიროებებთან შესაბამისობის დადგენის მიზნით, საცხოვრებელი ფართის სრული იდენტიფიცირება დაიწყო. 

მათ შორის არის თელავის დახურული სამხედრო ქალაქი N1, სადაც რამდენიმეთვიანი მუშაობის შემდეგ შეიარაღებული ძალების გენერალური შტაბის სამხედრო პოლიციის დეპარტამენტმა აღნიშნული ბინების უკანონოდ მისაკუთრების ფაქტები გამოავლინა. ჩატარებული ახსნა-განმარტებების შედეგად 36-მა უკანონოდ მცხოვრებმა ოჯახმა საკუთარი სურვილით უკვე დაცალა ბინა. ამჟამად თელავის ე.წ. ლეგიონის დასახლებაში კვლავ რჩებიან უკანონო მოსახლეები, მათ შორის არიან სოციალურად დაუცველი მოქალაქეები. თუმცა, არც ამ დრომდე და არც მომავალში არცერთი მცხოვრების იძულებით გამოსახლება არ იგეგმება. 

მიუხედავად მედიასაშუალებებით გავრცელებული ინფორმაციისა, აღსანიშნავია, რომ თელავში არ მომხდარა, არც ერთი ოჯახის გამოსახლება. კანონის შესაბამისად დაილუქა ოთხი ბინა, რომლებიც სამხედრო მოსამსახურეებს ჰქონდათ დაკავებული და საკუთარი ნებით დატოვეს. 

სამხედრო პოლიციის დეპარტამენტის ამოცანაა,  მაქსიმალურად შეუწყოს ხელი მოსახლეობის ინტერესების დაცვას, თუმცა, ამავდროულად, არავითარ შემთხვევაში არ უნდა  დავუშვათ ქვეყნის თავდაცვისუნარიანობისთვის ზიანის მიყენება. 

საცხოვრებელი ფართის  იდენტიფიცირების პროცესში, ყოველი სამხედრო მოსამსახურის ინტერესი ისევეა გასათვალისწინებელი, როგორც ჩვენი ქვეყნის სხვა მოქალაქეების. სწორედ, ამ ინტერესთა ბალანსითა და ყველა მხარესთან კოორდინაციით იქნება მიღებული ყველა გადაწყვეტილება. არც ერთ შემთხვევაში არ  იქნება უგულებელყოფილი  თუნდაც ერთი  ადამიანის კანონიერი ინტერესი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა