საფრანგეთის მოსახლეობა სატირულ ჟურნალ Charlie Hebdo-ს რედაქციაზე თავდასხმის დროს დაღუპული 12 ადამიანის ხსოვნას წუთიერი დუმილით პატივი მიაგო.
„ბი ბი სი“-ს ინფორმაციით, მოქალაქეები პარიზში და საფრანგეთის სხვა ქალაქებშიც შეიკრიბნენ და საეკლესიო ზარების ფონზე გარდაცვლილთა ხსოვნას წუთიერი დუმილით პატივი მიაგეს.
შეგახსენებთ, პარიზში ჟურნალ „Charlie Hebdo“-ს რედაქციის თავდასხმას 12 ადამიანის სიცოცხლე ემსხვერპლა, ხოლო 10 დაშავებულია. ადგილობრივი პოლიციის ინფორმაციით, 4 მათგანის მდგომარეობა კრიტიკულია.
არსებული ინფორმაციით, რედაქციას თავს ორი ნიღბიანი ადამიანი ავტომატებით  დაესხა და იქ მომუშავე პერსონალს ცეცხლი გაუხსნა.
ცნობილია, რომ ჟურნალ „Charlie Hebdo“-მ ინციდენტამდე ერთი საათით ადრე  ტვიტერის ოფიციალურ გვერდზე  "ისლამური სახელმწიფოს" ლიდერის აბუ ბაკრ ალ-ბაღდადის კარიკატურა გამოაქვეყნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გახარიას გუნდი შეკრება-მანიფესტაციების შესახებ გამკაცრებული ნორმების გაუქმებას ითხოვს

ვის ხელშია თბილისის გაზი, შუქი, ტრანსპორტი - TI-ის კვლევა

შვედეთის არჩევნები: ოპოზიციურმა პარტიებმა მცირე უპირატესობით გაიმარჯვეს

ტრამპი: CIA-ს დირექტორი რეტკლიფი უკრაინის მოლაპარაკებების ყველა ასპექტშია ჩართული