ეკატერინე სირაძე-დელონე: საფრანგეთის საგარეო უწყებისგან ინსტრუქციის მიღებისთანავე, მას საქართველოს მოქალაქეებში გავავრცელებთ

2015-01-08 15:45:36, 5559 ნახვა

პოლიტიკა

საფრანგეთში საქართველოს საგანგებო და სრულუფლებიანი ელჩის ეკატერინე სირაძე-დელონეს განცხადებით, Charlie Hebdo-ს რედაქციაზე განხორციელებული ტერორისტული აქტის გამო, პარიზში უსაფრთხოების ზომები განსაკუთრებულად დაცულია.
როგორც ელჩმა "კურიერთან" საუბრისას განაცხადა, საზოგადოებრივი თავშეყრის ადგილებში შეიარაღებული პოლიციელებია მობილიზებული.
რაც შეეხება საფრანგეთში მყოფი საქართველოს მოქალაქეების უსაფრთხოების საკითხს, ეკატერინე სირაძე-დელონეს განმარტებით, საფრანგეთის საგარეო საქმეთა სმაინისტროსგან ჯერჯერობით ინსტრუქცია არ მიუღიათ და როცა მიიღებენ, საქართველოს მოქალაქეებში დაუყოვნებლივ გაავრცელებენ.
"ბუნებრივია, ჩვენ ჯერ ინსტრუქცია არ მიგვიღია საფრანგეთის საგარეო საქმეთა სამინისტროდან, თუმცა გამოცხადებულია, ასე ვთქვათ, ძალიან მაღალი დონის სიფრთხილე, მობილიზებულია ჟანდარმერია და პოლიცია.ყველა საზოგადოების შეკრების ადგილებში არიან შეიარაღებული პოლიციელები, რომლებსაც აქვთ უფლება, რომ საშიშროების, ან საფრთხის შემთხვევაში, ისროლონ კიდევაც. როგორც კი საფრანგეთის საგარეო საქმეთა სამინისტროსგან ინსტრუქციას მივიღებთ, ამას გავავრცელებთ ჩვენს მოქალაქეებში",-განცხადა ეკატერინე სირაძე-დელონემ.
შეგახსენებთ, პარიზში ჟურნალ „Charlie Hebdo“-ს რედაქციაზე თავდასხმას 12 ადამიანის სიცოცხლე ემსხვერპლა, ხოლო 10 დაშავებულია. ადგილობრივი პოლიციის ინფორმაციით, 4 მათგანის მდგომარეობა კრიტიკულია. არსებული ინფორმაციით, რედაქციას თავს ორი ნიღბიანი ადამიანი ავტომატებით დაესხა და იქ მომუშავე პერსონალს ცეცხლი გაუხსნა. ცნობილია, რომ ჟურნალ „Charlie Hebdo“-მ ინციდენტამდე ერთი საათით ადრე ტვიტერის ოფიციალურ გვერდზე "ისლამური სახელმწიფოს" ლიდერის აბუ ბაკრ ალ-ბაღდადის კარიკატურა გამოაქვეყნა.