საგარეო საქმეთა მინისტრი თამარ ბერუჩაშვილი ბრიუსელში გაემგზავრა, სადაც 25 თებერვალს ნატო-საქართველოს კომისიის მორიგი სხდომაა დაგეგმილი.

როგორც „ექსპრესნიუსს“ საგარეო უწყებიდან აცნობეს,  სხდომის თემაა - საქართველოს ტერიტორიული მთლიანობის წინააღმდეგ მიმართული რუსეთის ქმედებები. ასევე დაგეგმილია ორმხრივი შეხვედრა ნატოს გენერალურ მდივანთან, იენს სტოლტენბერგთან.

ამასთან, უწყების ინფორმაციით, 26 თებერვალს ბრიუსელში საქართველოს პრემიერ-მინისტრი, ირაკლი ღარიბაშვილი ჩავა. პრემიერი შეხვედრებს გამართავს ევროკომისიის პრეზიდენტთან, ჟან კლოდ იუნკერთან, ევროპული საბჭოს პრეზიდენტთან,  დონალდ ტუსკთან და საგარეო და უსაფრთხოების პოლიტიკის საკითხებში ევროკავშირის უმაღლეს წარმომადგენელთან,  ფედერიკა მოგერინისთან.

„სპეკულაციების თავიდან ასაცილებლად, კიდევ ერთხელ აღვნიშნავთ, რომ საქართველო დაგეგმილ რეჟიმში აგრძელებს ევროპული და ევროატლანტიკური ინტეგრაციის პოლიტიკის განხორციელებას, რომელიც ეფუძნება საქართველოს მოსახლეობის ურყევ ნებას“, - აცხადებენ საგარეო საქმეთა სამინისტროში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა